Ўзбекистонга хорижий инвестицияларни жалб қилишнинг ҳуқуқий асослари ва хорижий инвестицияларга яаратилган шарт-шароитлар

Ўзбекистон Республикасининг қонун ҳужжатларида халқаро ҳуқуқнинг умум эътироф этилган нормаларига мувофиқ Ўзбекистон Республикасининг миллий хавфсизлиги манфаатларини ҳимоя этиш мақсадида иқтисодиёт ва фаолиятнинг муайян соҳаларида чет эл инвестициялари учун чеклашлар ёки тақиқ назарда тутилган бўлиши мумкин.

Таваккалчиликни суғурта қилиш

Инвестициялар ва чет эллик инвесторларнинг таваккалчилигини суғурта қилиш ихтиёрий равишда амалга оширилади.
Чет эллик инвесторлар мамлакатнинг ўз инвесторлари билан тенг равишда Ўзбекистон Республикаси ҳудудида қонуний фаолият кўрсатаётган ҳар қандай суғурта ҳимояси ҳуқуқидан фойдаланадилар.

Ўзбекистон Республикаси Президентининг 2005 йил 11 апрелдаги “Тўғридан-тўғри хусусий хорижий инвестицияларни жалб этишни рағбатлантириш борасидаги қўшимча чора-тадбирлар тўғрисида”ги Фармонига кўра қуйидаги солиқ ва ажратмаларни тўлашдан озод этилади:

Ўзбекистон Республикаси Президентининг 2005 йил 11 апрелдаги “Тўғридан-тўғри хусусий хорижий инвестицияларни жалб этишни рағбатлантириш борасидаги қўшимча чора-тадбирлар тўғрисида”ги Фармонига кўра қуйидаги солиқ ва ажратмаларни тўлашдан озод этилади:

асосий фаолият бўйича даромад (фойда) солиғи,
мулк солиғи,
ижтимоий инфратузилмани ривожлантириш ва ҳудудларни ободонлаштириш солиғи,
экология солиғи,
микрофирма ва кичик корхоналар учун белгиланган ягона солиқ тўлашдан,
шунингдек, Республика йўл жамғармасига мажбурий ажратмалар

Фармонда белгиланганидек, тўғридан-тўғри хусусий хорижий инвестициялар ҳажми қуйидагича бўлганда мазкур солиқ имтиёзлари берилади:

• 300 минг АҚШ долларидан 3 миллион АҚШ долларигача - 3 йил муддатга;
• 3 миллион ортиқ АҚШ долларидан 10 миллион АҚШ долларигача - 5 йил муддатга;
• 10 миллион АҚШ долларидан ортиқ бўлганда - 7 йил муддатга.

Ушбу солиқ имтиёзлари Қорақалпоғистон Республикаси, Жиззах, Сирдарё, Қашқадарё, Сурхандарё, Хоразм вилоятларида, шунингдек, Навоий, Андижон, Наманган ва Фарғона вилоятларининг қишлоқ туманларида жойлашган корхоналарга берилди.