Ўзбекистоннинг Осиё ва тинч океани мамлакатлари билан ҳамкорликлари. Режа

Ўзбекистоннинг Осиё ва тинч океани мамлакатлари билан ҳамкорликлари.
Режа
1.Осиё ва Тинч океани мамлакатлари билан ўрнатилган қадимий алоқаларнинг янги йўналишлари
2.Ўзбекистон-Япония давлатлари ҳамкорлиги
Осиё ва Тинч океани мамлакатлари билан ўрнатилган қадимий алоқаларнинг янги йўналишлари:

Ўзбекистон Республикасининг давлат мустақиллигига эришиши, янги жамиятга ўтиш даврида сиёсий ислоҳотларнинг амалга оширилиши мамлакатимизда хусусий демократик давлат қуриш, фуқаролик жамиятининг шакллантирилиши, иқтисодий ислоҳотларни чуқурлштиришга доир тадбирлар, юртимизда ижтимоий-сиёсий барқарорликни таъминлаш омиллари, маънавий руҳий покланиш ва миллий қадриятларнинг тикланиши, Ўзбекистоннинг жаҳон ҳамжамиятидан муносиб ўрин олиши ҳамда Ўзбекистон Республикасининг Осиё ва Тинч Океани мамлакатлари билан ҳамкорликлари каби масалалар ҳозирги кунда тарихан муҳим масаладир. Айниқса, Яқин ва ўрта Шарқ ҳамда Араб мамлакатлари билан давлатлараро муносабатларни ўрнатиш ва ривожлантиришга интилиш ҳам Ўзбекистон сиёсатидаги муҳим йўналишлар ҳисобланади. Ўзбекистон Республикаси давлат делегацияси расмий ташриф билан Туркия, Эрон, Покистон, Ҳиндистон, Саудия Арабистони, Мисрда бўлиб, давлатлараро муносабатларнинг асослари тўғрисида шартномалар, иқтисодий, илмий-техникавий ва маданий ҳамкорлик битимлари тузди. Истиқлол йилларида Ўзбекистон мустақил суверен давлат сифатида Жаҳон ҳамжамиятида ўзига хос нуфузга эга бўлди. Ўзининг катта ишлаб чиқариш имкониятлари, бой ақлий ва жисмоний салоҳияти, тенгсиз табиий бойликлари билан дунёнинг энг ривожланган мамлакатлари диққатини ўзига тортди ва улар билан тенгма-тенг туриб ҳамкорлик қилиш қудратига эга эканлигини кўрсата олди. Бозор муносабатларига ўтиш жараёнида аҳолини ҳимоялаш, дунёвий давлат қурилишининг асоси бўлган қонун устиворлигига эришиш, қонун олдида барчанинг тенглигини таъминлаш тамойиллари вужудга келди. Туб ислоҳатларнинг Президент И.Каримов томонидан ишлаб чиқилган машҳур беш тамойили иқтиқлолнинг дастлабки йилларидаёқ жаҳон ҳамжамиятида юқори баҳоланди ва тўла тан олинди Хорижий инвестицияни жалб этиш, чет эллик ишбилармон билан ҳамкорликни йўлга қўйиш, шу асосда мамлакат ишлаб чиқаришини ўзгартириш, уни жаҳоннинг энг илғор технологиялари билан қайта жиҳозлантириш йўли тутилади. Бу Ўзбекистоннинг жамиятни бир ҳолатдан иккинчи холатга ўтказишда барча ёш мустақил мамлакатлар ўртасидаги энг тўғри йўл танланганини кўрсатди. «Ўзбекистон ўзи учун танлаб олган йўл ижтимоий соҳага йўналтирилган, Республиканинг манфаатлари, шарт-шароитлари ва хусусиятларига эга кўп даражада мос келадиган бозор иқтисодиётини шакллантиришга қаратилгандир. Айнан мана шундай йўл Ўзбекистон халқининг муносиб турмушини, унинг ҳуқуқлари анъаналари ва маданиятининг қайта тикланиши, инсонни шахс сифатида маънавий, ахлоқий камол топишини таъминлаши мумкин». Ҳозирги кунда Ўзбекистон бутун дунёда ўзини ташқи сиёсий ва маданий алоқаларига бой тарихга эга бўлган ва мустақил равишда замонавий дипломатик алоқаларни, ҳамкорлик муносабатларини амалга ошираётган тинчликсевар ҳуқуқий давлат сифатида намоён этмоқда. Халқаро ҳуқуқ жиҳатидан Ўзбекистон учун асрлар оша буюк бўлиб келган давлатлар ҳам, давлатчилик тарихи кўп жиҳатидан бизникига ўхшаш мамлакатлар ҳам баб-баравардир.