1 – маъруза энергетика энергия тежамкорлиги ва энергетика ресурслари

НАЗОРАТ САВОЛЛАРИ

1. 
   Ёқилғи-энергетика ресурслари нималардан ташкил топган?
   
2. 
   Табиий ресурсларнинг таснифлари тўғрисида маълумот беринг.
   
3. 
   Қуёш ва шамол энергияси.
   
4. 
   Табиатдан фойдаланиш иқтисодиётида нималарга аҳамият берилади?
   
5. 
   Шартли ёқилғи нима?
   
6. 
   Ўзбекистон ёқилғи-энергетика мажмуасининг тавсифлари нималардан иборат?
   
7. 
   Давлатнинг энергия тежаш сиёсати деганда нимани тушунасиз?
   
8. 
   Энергия тежашнинг иқтисодий самарадорлиги нима?
   

3-МАЪРУЗА

ЭНЕРГИЯ ТУРЛАРИ, ЭНЕРГИЯНИ ОЛИШ, ЎЗГАРТИРИШ ВА ФОЙДАЛАНИШ

РЕЖА:
1. Энергия ва унинг турлари. Вазифаси ва фойдаланиш. Электр энергиянинг афзалликлари
2. Электр станцияларнинг асосий турлари ва уларнинг тавсифлари
3 Ноанъанавий энергетика ва унинг тавсифи


1. Энергия ва унинг турлари. Вазифаси ва фойдаланиш. Электр энергиянинг афзалликлари
Энергия (грекча energeia-ҳаракат, фаолият) умумий ҳаракат миқдори ва барча материя турларини ўзаро таъсиридан иборат. Бу иш бажаришга бўлган қобилиятдир, иш эса объектга физик куч (босим ёки гравитация) таъсир этганда бажарилади. Иш бу ҳаракатдаги энергия.
Барча механизмларда иш бажарилганда энергия бир турдан иккинчи турга айланади. Лекин бунда бир тур энергиясини ҳар қандай ўзгаришида ҳам бошқасига нисбатан кўпроқ олиш мумкин эмас, чунки бу энергиянинг сақланиш қонунига зиддир.
Энергиянинг қуйидаги турлари мавжуд: механик, электр, электромагнит, иссиқлик, кимёвий, атом (ядро ички).
Халқаро бирлик тизими (СИ) да энергияни ўлчаш бирлиги сифатида 1 Жоуль (Ж) қабул қилинган. 1 Ж=1ньютон метрга (Нм) эквивалентдир. Агарда ҳисоб-китоблар иссиқлик, биологик ва энергиянинг кўпчилик бошқа турлари билан боғлиқ бўлса, у ҳолда ўлчов бирлиги сифатида системадан ташқари бирлик қўлланилади - калория (кал) ёки килокалория (ккал), 1 кал=4.18 Ж. Электр энергия Ватт∙соат (Вт∙с, кВт∙с, МВт∙с.) да ўлчанади; 1 Вт∙с=3.6 МДж. Механик энергияни ўлчашда 1кг·м қийматдан фойдаланилади, 1кг∙м=9.8Дж.
Электр энергия энергиянинг такомиллашган туридан биридир. Ундан кенг кўламда фойдаланиш қуйидаги омиллар билан белгиланади:
-ресурсларнинг конларида ва сув манбалари яқинида катта миқдорда олиниши билан.