1 – маъруза энергетика энергия тежамкорлиги ва энергетика ресурслари

3 Ноанъанавий энергетика ва унинг тавсифи
Агарда анъанавий энергетика органик ва ядро ёқилғи каби қайта тикланмайдиган энергия ресурлардан фойдаланишга асосланган бўлса, ноанъанавий энергетика туганмас тикланувчан энергия ресурслар (ТТЭМ) дан фойдаланишга асосланган.
Анъанавий энергия ресурслардан фойдаланиш, кислородни ютишидан ташқари атроф муҳитни сезиларли даражада ифлосланишга олиб келади. Энергия ресурсларнинг чекланганлиги, уларни ишлатиш, ҳаво атмосферасининг таркибига таъсир этиши ва атроф муҳитга бошқа зарарли таъсирлари (чиқиндилар ҳосил бўлиши ер қаърини ва ер юзасини бузилиши, иқлимнинг ўзгариши ) бутун дунёда ноанъанавий манбаларга бўлган юқори қизиқишни уйғотади, буларга: қуёш энергияси; шамол энергияси; геотермал энергия; аккумланган (йиғилган) иссиқлик, денгиз ва океанларнинг энергияси; денгиз оқими, денгиз тўлқинлари, қуйилиш ва орқага қайтиш кўринишидаги энергия; сув ўсимликларидан, қишлоқ хўжалиги ва шаҳар чиқиндиларидан, биомассалардан фойдаланиш.
Ҳозир ноанъанавий энергетиканинг ривожланиши унга кетадиган катта харажатлар ва бундай электр станцияларда ишлаб чиқариладиган энергиянинг таннархи билан чекланмоқда.
Турли турдаги электр станцияларни иқтисодий таққоси (1991 й учун) 3.1 -жадвалда келтирилган.
Турли турдаги электр станцияларни иқтисодий таққоси
3.1- жадвал

Электр станция тури	Қурилишга бўлган сарф харажатлар, АҚШ дол/кВт	Ишлаб чиқарилган энергиянинг нархи, цент/кВт∙с
Кўмирда ишлайдиган ИЭС	1000-1400	5.2-6.3
АЭС	2000-3500	3.6-4.5
ГЭС	1000-2500	2.1-6
ШЭС	300-1000	4.7-7.2
Оқиб келиши (ОЭС)	1000-3500	5-9
Тўлқинли	13000 дан	15 дан
Қуёш	14000 дан	20 дан

Иқтисодий жиҳатдан мақбули, бу солиштирма капитал харажатлар 2000 АҚШ дол/кВт гача бўлган электр станцияларни қуриш.

Ноанъанавий тикланувчи энергия манбалар солиштирма қувватини анъанавий манбалар билан тақослаш 3.2 жадвалда келтирилган .

Қайта тикланувчи ноанъанавий энергия манбалар солиштирма қуввати

3.2.- жадвал