1. Kirish. Xavfsizlik texnika qoidalari

Reja:
1.Kirish. Xavfsizlik texnika qoidalari.
Dala ekinlari. Ularning axamiyati, morfologiyasi, fiziologiyasi, sistematikasi va yetishtirish texnologiyasi

2.Donli ekinlarni ekish me’yorlari va ko’chat qalinligini aniqlash.Donli ekinlarni rivojlanish davrlari. Tajriba uchastkalari.

3. Dukkakli Don ekinlarni fotosintetik faoliyati va rivojlanish davrlarini o’rganish yetishtirish texnologiyasi. O’simliklarni biometrik o’lchashlarni olib borish, na’munalar olish va gerbariy tayyorlashni o’rganish.

4. Moyli va yem-xashak ekinlarni fotosintetik faoliyati va rivojlanish davrlarini o’rganish yetishtirish texnologiyasi.O’simliklarni biometrik o’lchashlarni olib borish, na’munalar olish va gerbariy tayyorlashni o’rganish.

5.Go’za o’simligini yagonalash. Haqiqiy va Nazariy ko’chat qalinligini aniqlash.

Xulosa

Foydalanilgan adabiyotlar
I-kun
Dala ekinlarining guruhlarga bo‘linishi.
Dala ekinlari orasida insonga zarur bo‘lgan mahsulotni yetishtirish uchun har xil ekinlar ekilmoqda. Bu o‘simliklarning tuzilishi, biologik xususiyati va yetishtirish texnologiyasi ham har xil. Bu o‘simliklami o‘rganish oson bo‘lishi uchun olimlar tomonidan guruhlarga bo'lish tavsiya etilgan, ammo qanday ko‘rsatkichga yoki belgilarga asoslanish bo‘yicha ancha muzokaralardan keyin o‘simliklami guruhlarga bo‘lishda har xil usuldan foydalanish mumkin deb hisoblandi, ammo eng qulay usul - bu o‘simliklardan olinadigan mahsulotiga (yoki ekish maqsadiga) qarab guruhlarga bo‘lishdir.4 0 ‘zhekiston о ‘simlikshunosligi. 0 ‘zbekiston o‘z aholisini oziqovqat mahsuloti bilan to‘la ta’minlash uchun o‘simlikshunoslik tarmog‘ini rivojlanishini jadallashtirmog‘i lozim. Qishloq xo‘jalik ekinlaridan yuqori hosil yetishtirish uchun bir qator muhim tashkiliy iqtisodiy chora - tadbirlami amalga oshirish, ishlab chiqarishning moddiy texnika bazasini ancha mustahkamlash, o‘g‘it!ardan keng foydalanish, tuproqning unumdorligini, meliorativ va ekologik holatlarini yaxshilash, yangi intensiv navlami yaratshi kabi ishlami amalga oshirish lozim.

Respublikamiz mustaqillikka erishguncha boshoqli don ekinlari mahsulotlari 3 mln. 500 ming tonna import qilingan hamda aholi iste’moli uchun un va non mahsulotlari chetdan keltiriladigan mahsulotlar hisobiga to‘ldirilgan. Muhtaram Birinchi Prezidentimiz tomonidan mustaqillikning dastlabki yillaridanoq aholini don va un mahsulotlari bilan o‘zimizda yetishtirilgan boshoqli don bilan ta’minlash va g‘alla mustaqilligiga erishish vazifasi qo‘yilib, kuzgi bug‘doy ekin maydonlari kengaytirildi. 1990-yilda g‘alla ekin maydoni 770,2 ming gektarni tashkil etgan bo‘Isa, 1995-yil 1280,1 ming gektar, 2005-yil 1286,0 ming gektar, 2010-yil 1536,5 ming gektar, 2015-yil 1485 ming gektar maydonga ekilgan. Boshoqli don ekinlari maydoni 1990-yilga nisbatan 2000-yil 1,7 marta, 2010-yil 2 martaga kengaytirildi va buning natijasida yalpi hosil miqdori ham yildan-yilga ortib bordi. 1990-yilda mamlakatimizda bor-yo‘g‘i 900 ming tonna don yetishtirilib, asosan undan chorva ozuqasi uchun foydalanilgan bo‘lsa, 1995-yilda 2382,3 ming tonna, 2002-yil 4718,5 ming tonna, 2010-yil 6966,0 ming tonna, 2014-yil rekord darajadagi hosil yetishtirilib 8050,0 ming tonna g‘alla yetishtirildi. Hukumatimiz rahbariyati tomonidan g‘allachilikni rivojlantirishga muhim e’tibor qaratilib, kuzgi bug‘doy bo'yicha ilmiy tadqiqotlami kuchaytirish, yangi navlar yaratish, agrotexnik tadbirlarini ishlab chiqish maqsadida Sug‘oriladigan yerlarda don va dukkakli don ekinlari ilmiy tadqiqot institutining tashkil etilishi, g‘allachilikda innovatsion texnologiyalarning ishlab chiqilishi va joriy etilishi, kontraktatsiya shartnomalaridan ortiqcha yetishtirilgan don hosili fermer xo‘jaliklarida qoldirilishi va ularning moddiy texnika bazasining yaxshilanishi, urug'lik don, mineral o‘g‘itlar va yoqilg‘i moylash mahsulotlarining fermer dalalariga yetkazib berilishi natijasida kuzgi bug‘doy don hosildorligi o‘sib bordi. 1990- yilda gektaridan bor-yo‘g‘i 11,7 sentner don hosili olingan bo‘lsa, 2000-yilda 26,6 sentner, 2010-yilda 45,3 sentner, 2016-yilda 55,3 sentner don olinib, 1990-yilga nisbatan hosildorlik 4,8 martaga oshgan. O‘zbekiston Respublikasi dunyoda bug‘doy hosildorligi bo‘yicha 1990-yillardagi 92-o‘rindan 2016-yilda 12-o‘ringa chiqdi. 2002-yildan buyon O‘zbekiston chetdan don sotib oluvchi davlatdan, chetga don eksport qiluvchi davlatga aylandi.