1. ma’ruza. Kirish. O’sish va rivojlanishning umumiy qonuniyatlari. Organizm va muxit

1. MA’RUZA. Kirish. O’sish va rivojlanishning umumiy qonuniyatlari. Organizm va muxit.

1. Yosh fiziologiyasi va gigienasi fanining predmeti, maqsadi va vazifalari.
2. Yosh fiziologiyasi va gigiyenasi fanining boshqa fanlar bilan aloqasi va tekshirish usullari.
3. Yosh fiziologiyasi va gigienasi fanining rivojlanish tarixi.
4. O’sish va rivojlanishning umumiy qonuniyatlari.
5. Yoshlik davrlari va yoshga oid o’zgarishlari haqida tushuncha.
6. Irsiy kasalliklar va ularning turlari.
Rеjа:
Fiziologiya – tirik organizmda kechayotgan jarayonlar va ularni o’rab turgan muhitda hayot kechirishga moslashishini ta’minlovchi jarayonlar haqidagi fandir. Fiziologiya odam va hayvonlarni yaxlit organizmida va uning hujayralari, to’qimalari, organlar tizimi va organlari hamda ularning tuzilish birliklarini tashkil qiluvchi qismlarida bajarilayotgan funksiyalar bo’yicha qonunlarni ochib beradi.
Funksiya – bu organizmning, uning organlari va to’qimalarida tinimsiz ravishda, tashqi muhitning o’zgaruvchan sharoitiga faol holda moslashishida va ularning o’zlari ham tashqi muhitga jiddiy ta’sir ko’rsatishi natijasida yuz beradigan moddalar almashinuvining o’zgarish natijasidir.
Yoshga oid fiziologiya va o’smirlar gigiyenasi - umumiy fiziologiyaning bir qismi bo’lish bilan birga, tibbiyotda o’rganiladigan gigiyena va sanitariya fani sohalaridan biri bo’lib hisoblanadi. Atrof muhit omillarining bola organizmiga, uning hayot faoliyatiga, ta’lim tarbiyasiga ta’sirini o’rganadi va o’sayotgan avlodning sog’lig’ini mustahkamlash hamda jismoniy va ma’naviy jihatdan mutadil o’sish va rivojlanishi uchun zarur bo’lgan barcha fiziologik va biokimyoviy chora-tadbirlarni ishlab chiqadi va ilmiy jihatdan asoslab beradi.
Yosh fiziologiyasining asosiy vazifasi o’sish va rivojlanish qonuniyatlarini ochib berish, yaxlit organizm, uning organlari, tizimlari,to’qimalari va hujayralarini ishlash xususiyatlarini turli yoshga aloqador davrlarda aniqlash.