1-mavzu. Davlat tashkilotlarining harakat xavfsizligi sohasini boshqarishining umumiy tizimi reja

4. Yo‘l harakati xavfsizligini ta’minlashda jamoat tashkilotlarining ishtiroki

Yo‘l harakati xavfsizligini ta’minlashda jamoat tashkilotlari ishtirokini quyidagi 1-rasmda keltirilgan O‘zbekiston Respublikasida harakat xavfsizligini ta’minlovchi xalq xo‘jaligi tarmoqlarining bog‘lanish tizimi yordamida va “Yo‘l harakati xavfsizligi to‘g‘risida”gi qonundan quyidagilar keltiriladi.

Fuqarolarning o‘zini-o‘zi boshqarish organlari va nodavlat-notijorat tashkilotlari:

• 
  mahalliy davlat hokimiyati organlariga, maxsus vakolatli davlat organlariga yo‘l harakati xavfsizligi sohasidagi tadbirlarni amalga oshirish hamda me’yoriy-huquqiy hujjatlar va me’yoriy hujjatlarni takomillashtirish yuzasidan takliflar kiritishga;
  
• 
  yo‘l-transport hodisalarining oldini olish bo‘yicha tadbirlarda ishtirok etishga;
  
• 
  davlat hokimiyati va boshqaruvi organlari tomonidan yo‘l harakati xavfsizligi sohasidagi qarorlar ishlab chiqilishida qonun hujjatlarida belgilangan tartibda ishtirok etishga haqli.
  

1-rasm. O‘zbekiston Respublikasida harakat xavfsizligini ta’minlovchi xalq xo‘jaligi tarmoqlarining bog‘lanish tizimi.

Transport vositalarining egalari:

• 
  texnik jihatdan soz transport vositalaridan foydalanishi;
  
• 
  transport vositalarini tegishli malakaga ega bo‘lgan va tibbiy ko‘rikdan o‘tgan shaxslar boshqarishiga ijozat berishi;
  
• 
  o‘z fuqarolik javobgarligini qonun hujjatlariga muvofiq majburiy sug‘urta qilishi;
  
• 
  yo‘l harakati xavfsizligi to‘g‘risidagi qonun hujjatlariga va ekologik xavfsizlik talablariga rioya etishi shart.
  

Yo‘l harakati xavfsizligini tibbiy jihatdan ta’minlash:
Yo‘l harakati xavfsizligini tibbiy jihatdan ta’minlash haydovchilarni majburiy ravishda dastlabki va davriy tibbiy ko‘riklardan, shu jumladan, qatnov oldidan tibbiy ko‘riklardan o‘tkazish, shuningdek yo‘l-transport hodisalarida jabrlangan shaxslarga tibbiy yordam ko‘rsatish, yo‘l harakati qatnashchilariga, ichki ishlar organlarining, boshqa ixtisoslashtirilgan bo‘linmalarning mansabdor shaxslariga va aholiga yo‘l-transport hodisalarida jabrlangan shaxslarga tibbiyot xodimlari etib kelguniga qadar yordam ko‘rsatish usullarini vaqti-vaqti bilan o‘rgatish orqali amalga oshiriladi.
Yo‘l-transport hodisalarida jabrlangan shaxslarga ko‘rsatiladigan tibbiy yordam yo‘l-transport hodisasi sodir bo‘lgan joyning o‘zida tibbiyot xodimlari etib kelguniga qadar yordam ko‘rsatishdan, shuningdek yo‘l-transport hodisasi sodir bo‘lgan joyning o‘zida, davolash-profilaktika muassasasiga olib borilayotganda va davolash-profilaktika muassasasida malakali tibbiy yordam ko‘rsatishdan iborat.
Tibbiy ko‘riklarni o‘tkazish hamda yo‘l-transport hodisalarida jabrlangan shaxslarga tibbiy yordam ko‘rsatilishini tashkil etish tartibi, shoshilinch tibbiy yordam ko‘rsatish uchun transport vositasining salonida turishi shart bo‘lgan zarur tibbiy ashyolar ro‘yxati, shuningdek transport vositalarini boshqarishni taqiqlovchi, tibbiy ko‘rsatmalarga zid holatlarning ro‘yxati O‘zbekiston Respublikasi Sog‘liqni saqlash vazirligi tomonidan belgilanadi.