1-Mavzu. “Ta’lim menejmenti” fanining mazmuni, maqsadi va vazifalari (2 soat) Asosiy savollar: Ta’limda boshqaruvning zarurligi, mazmuni, maqsad va vazifalari «Ta’lim menejmenti»

3.“Ta’lim menejmenti” fanining boshqa fanlar bilan aloqasi va o’zaro munosabatlari. Ba’zan menejment – iqtisodiy fan degan fikr ilgari suriladi. Albatta, menejment nazariyasi va amaliyoti iqtisodiyotni bilishni taqozo etadi. SHu ma’noda u iqtisodiy fan hisoblanadi.

SHu bilan bir vaqtda hozirgi bosqichda menejment bilimning pedagogika, psixologiya, boshqaruv psixologiyasi, sotsiologiya kabi va boshqa mustaqil tarmoqlariga tayanadi. Ayni shu sababli menejment fanlararo fan hisoblanadi.

Menejmentning turli xil muammolari bilimning turli tarmoqlari vakillari tomonidan tadqiq etiladi. Bunda muayyan fan yutuqlaridan muayyan vaziyatga tatbiqan foydalaniladi. Boshqaruv munosabatlari ijtimoiy munosabatlar hisoblangani bois, menejment ijtimoiy fanlarga kiradi.

Ta’limda menejment amaliy fan hisoblanadi, chunki inson faoliyatining muayyan amaliy vazifalarini hal qiladi, ijtimoiy-amaliy muammolarni yechishda fundamental fanlarning natijalaridan foydalanadi. Bu bilan ta’limda menejment vazifasi tabiat, jamiyat va tafakkurning o’zaro aloqasini belgilovchi qonunlarni bilishdan iborat bo’lgan nazariy fanlar (falsafa, axloq va b.)dan farq qiladi.

SHunday qilib, ta’limda menejment asosan amaliy fan hisoblanadi, chunki inson faoliyatining muayyan amaliy vazifalarini hal qiladi, ijtimoiy-amaliy muammolarni yechishda fundamental fanlarning natijalaridan foydalanadi.