1-мавзу. Замонавий информатика курсининг тузилиши ва асосий тушунчалари

Ахборот инфратузилмаси – ахборотни тўплаш, қайта ишлаш ва оммага етказиш шарт-шароитларини ривожлантириш имконини берувчи воситалар мажмуасидир.
Ахборот инфратузилмаси ўз ичига қуйидагиларни олади:
1. Маълумотларнинг давлат миқёсидаги ва маҳаллий манбалари тизимларини.
2. Алоқа тизимларини – бу электрон почта, телекс, видеотекс, телефакс, алоқа воситалар ва ҳисоблаш техникасининг бир-бирига муштарак бўлиб кетиши ва бошқалар. Ахборот инфратузилмасини такомиллаштириш мақсадида 1992 – йил 8 – декабрда Ўзбекистон Республикаси Вазирлар Маҳкамасининг қарори билан Фан ва Техника Давлат қомитаси қошида Ахборотлаштириш бўйича Бош Бошқарма тузилди.
Иқтисодий информатиканинг асосий омилларидан бири Республикамизда ягона иқтисодий ахборот тизимини яратиш.
Ахборотлаштириш миллий тизимини яратишнинг асосий мақсади ва вазифаси ягона иқтисодий ахборот тизимини босқичма-босқич иқтисодиётга жорий қилишдан иборат.
Ягона иқтисодий ахборот тизимини қуриш барча қатнашувчилар учун қуйидагиларни назарда тутади:
- ахборотни қайта ишлашнинг автоматлашган тизимини ташкил қилиш;
- ахборотни олиш ва узатиш жараёнларини автоматлаштириш;
- олинадиган ва узатиладиган ахборотни ўз вақтида қайта ишлаш;
- ҳисоботларни узатиш ва олишда инсонлар иштирокини камайтирилиш.
Ягона иқтисодий ахборот тизимини босқичма-босқич иқтисодиётга жорий қилиш миллий ахборот тизимини яратишга олиб келади.
Мавзу бўйича мустақил иш топшириқлари:

1. 
   Замонавий информатика курсининг мақсад ва вазифалари, асосий тушунчалари
   

тўғрисида маълумот тайёрланг.
Фойдаланиладиган адабиётлар:
1. М.Арипов, А.Ҳайдаров, Информатика асослари, Ўқув қўлланма, Тошкент: Ўқитувчи,2002.432 б.
2. М.Арипов ва бошқалар, Ахборот технологиялари, Ўқув қўлланма, Тошкент: 2009. 368 б.
3. Арипов М.М., Кабилжанова Ф.А, Юлдашев З.Х. Информационные технологии. Т., 2004.
4. С. С. Ғуломов, А. Т. Шермухаммедов, Б. А. Бегалов «Иқтисодий информатика» Т., «Ўзбекистон», 1999 й.
5. С. С. Ғуломов ва бошқалар «Ахборот тизимлари ва технологиялари» Т. –«Шарқ», 2000 й.
6. Халджигитов А.А, Мадрахимов Ш.Ф. Адамбаев У.Э. Информатика ва программалаш. Ўқув қўлланма. Тошкент. 2005 й.
7. А. А. Абдуқодиров, А. Ғ. Ҳайитов, Р. Р. Шодиев «Ахборот технологиялари» Т., “Ўқитувчи”, 2002 й.
8. Д.Э.Тоштемиров, «Информатика ва ахборот технологиялари», Ўқув қўлланма, Гулистон,
ГулДУ, 2008 й

2-мавзу. Иқтисодий ахборотлар таснифланиши ва уларни кодлаштириш

Ажратилган вақт - 2 соат.