1-мавзу. Замонавий информатика курсининг тузилиши ва асосий тушунчалари

Бошқарув функцияларига кўра:

• 
  режалаштириш;
  
• 
  ҳисобот олиш;
  
• 
  назорат қилиш;
  
• 
  иқтисодий таҳлил.
  

Фаолият кўрсатиш соҳасига кўра:

• 
  қишлоқ хўжалиги;
  
• 
  саноат;
  
• 
  савдо;
  
• 
  транспорт;
  
• 
  алоқа ва бошқалар.
  

Турғунлик даражасига кўра:

• 
  доимий;
  
• 
  шартли доимий;
  
• 
  ўзгарувчан ахборот.
  

Объектга тааллуқлигига кўра:

• 
  ички ва ташқи ахборот;
  
• 
  кирувчи ва чиқувчи ахборот.
  

Тўлиқлик даражасига кўра:

• 
  етарли;
  
• 
  тўлиқ бўлмаган;
  
• 
  ортиқча ахборот.
  

Ифодаланиш усулига кўра:

• 
  ҳарф-рақамли;
  
• 
  жадвалли;
  
• 
  чизмали;
  
• 
  сигналли.
  

2-асосий саволнинг баёни:
Иқтисодий ахборот деб, халқ хўжалиги тармоқларининг иқтисодий ва молиявий фаолиятларини ифодаловчи маълумотлар тўпламига айтилади.
Иқтисодий ахборотларни ўлчашда турли хил бирликлардан фойдаланиш мумкин. Масалан: Ахборотларни йиғиш, қайта ишлаш ва сақлашда бит, байт, Килобайт, Мегабайт ва бошқа ўлчов бирликларидан фойдаланилади.
Ахборотни қайд қилиш жараёнига кўра унинг ўлчов бирлиги сифатида белги, сўз, жумла, абзац ва бошқа бирликлардан фойдаланиш мумкин.
Ахборотни узатиш ва қабул қилишда Бодо катталигидан фойдаланилади.
1 Бодо 1 символга тенг.
Иқтисодий ахборот тузилиш нуқтаи назаридан иккига бўлинади:
а) Физик тузилиш.
б) Мантикий тузилиш.
Физик тузилиш иқтисодий ахборотни турли хил ташувчиларда жойлашишини ифодалайди.
Мантикий тузилиш эса ахборот бўлаклари ўртасидаги ўзаро мунособатларни ифодалайди.
Физик тузилишни ўрганиш учун информатика соҳасига тегишли бўлган махсус фанларни ўрганиш талаб қилинади.
Мантииқий тузилишига кўра ахборот қуйидаги бўлаклардан ташкил топади:
- ахборот тизими;
- ахборот оқими;
- ахборот массиви;
- кўрсатгич;
- реквизит.
Иқтисодий ахборотнинг энг кичик бўлаги реквизит ҳисобланиб, у икки қисмга бўлинади:
1. Реквизит белги.
2. Реквизит асос.
Реквизит белги ахборотнинг сифат томонини характерлайди, асосан сўзлар ёрдамида ифодаланади ва мантиқий амалларни бажаради. Масалан: товарнинг номи, операция тури.
Реквизит асос ахборотнинг миқдор томонларини характерлайди, асосан рақамлар ёрдамида ифодаланади ва арифметик амалларни бажаради. Масалан: 10, 250, 1000.
Реквизитлар биргаликда ахборотнинг юқори бўлаги – кўрсаткични ташкил қилади. Масалага тегишли бўлган бир хил кўрсаткичлар ахборот массивларини ташкил қилади.
Ахборот массивлари ахборот оқимини, оқимлар эса ахборот тизимини ташкил қилади.