1 Seminar. Sport tibbiyotining rivojlanishining tarixiy taraqqiyoti. Sport tibbiyoti fani predmeti, maqsad va vazifalari. Sport inshootlariga qo‘yilgan gigienik talablar, sportchilarning shaxsiy gigienasi. Savollarga javob yozing

Спорт тиббиётининг мақсади – жисмоний тарбия ва спортни ҳар томонлама ривожланиши учун инсоннинг баркамол ривожланиши, соғлиғини сақлаш ва уни мустаҳкамлаш, Ватан ҳимоясида ва меҳнатда юқори жисоний тайёргарлигини таъминлашдир.
“Спорт тиббиёти” термини мамлакатимизда яқиндан ишлатилмоқда. 1980 йилгача “врачлик назорати” термини қўлланиб келинган. Сўнгги йилларда спорт тиббиётининг бир қанча соҳасида талайгина муваффақиятларга эришилди, шу сабабли тўхтовсиз ривожланиши ва вазифаларининг кенгайиб бориши бу фан номини ўзгаришига олиб келди. Спорт тренировкасини уюштириш ва ўтказишда спорт тиббиётининг фаол қатнашиши учун асосий белгиси ҳисобланади. Спортчиларнинг соғлиги ва функсионал ҳолатини кузатиш ва аниқлашда янги экспериментал текшириш усуллари жорий қилинди. Спортчиларни жисмоний қобилятини ва чиниққанлигини аниқлашда янги функсионал синовлар кўлами бойитилди.
Жисмоний тарбия ва спорт билан шуғулланиш кишида ҳар томонлама жисмоний ривожланиш имконини беради, физиологик функцияларни такомиллаштиришга ёрдам беради ва киши организмини ҳар томонлама мустаҳкамлашга олиб келади.
Кейинги вақтларда жисмоний тарбия ва спорт билан шуғул-ланувчиларни соғлигида кузатиладиган патологик ўзгаришлар сабабларини, уларни олдини олиш ва даволаш масалаларини ўз зиммасига олган спорт тиббиётнинг яна янги бир соҳаси ривож топди.
Спорт тиббиётини ривожланиш босқичлари шартли равишда қуйидаги даврларга ажралади.
1 давр – Врачлик назорати фанининг пайдо бўлиши ва тикланиши (1918-1928 йиллар).
2 давр – жисмоний тарбия ҳаракатини медитсина хизмат кўрсатувчи муассасаларга ташкил этилиши, ривожланиши. Спорт тиббиётининг умумий назарияси ва илмий асосларни ишлаб чиқиш, уларни соғлиқни сақлаш ва жисмоний тарбия амалиётига жорий қилиш (1930-1941й).
3 давр – врачлик назоратига оид ишларни қайта тиклаш, спорт тиббиётини янги системасини яратиш, врачлик жисмоний тарбия диспенсерларини ташкил қилиш: этакчи спортчиларга медитсина хизмати кўрсатиш, ватан спорт медитсинасини халқаро майдонга кенг миқиёсда чиқиши (1945-1965).
4 давр – спорт тиббиётига оид амалий ва илмий ишлар сифатини яхшилаш; янги йўналишларни яратиш ва спорт медитсинасини янги методик кўргазмалар ва тавсиялар билан қайта қуроллантириш (1965 йилдан ҳозиргача)