11-savol: Tezkor qidiruv faoliyatini huquqiy tartibga solishda “ Tezkor qidiruv faoliyati to’g’risida” gi Qonunning ahamiyati

Dasturul-amalligi: Tezkor qidiruv faoliyatini amalga oshirish, asosan, O’zbekiston Respublikasining “Tezkor qidiruv faoliyati to’g’risida”gi qonuni orqali tartibga solinadi. Normativ-huquqiy hujjatlar ichida ushbu qonun tezkor-qidiruv faoliyati, tezkor-qidiruv tadbirlari, tezkor-qidiruv faoliyatini amalga oshirish prinsiplari, tezkor-qidiruv tadbirlarini amalga oshiruvchi organlarning huquqiy maqomi, tezkor-qidiruv faoliyatini amalga oshiruvchi shaxslarning huquq va majburiyatlari, tezkor-qidiruv faoliyatini amalga oshiruvchi shaxslar hamda ularga ko’maklashuvchi shaxslarning xavfsizligi, ijtimoiy va huquqiy muhofaza qilinishi, javobgarlikdan ozod etilishi, tezkor-qidiruv faoliyati sohasidagi xalqaro hamkorlik masalalari bevosita ushbu qonun asosida hal etiladi.

Qat’iyligi: Tezkor-qidiruv faoliyatini tartibga solishda “Tezkor-qidiruv faoliyati to’g’risida”gi qonun kengaytirilgan tarzda sharhlashni, kengaytirilgan tarzda vakolat berishni cheklaydi. Qonun tezkor-qidiruv faoliyati sohasidagi aniq vazifalarni belgilaydi, ortiqcha harakatlarni sodir etishga ta’qiq qo’yadi. Bu esa tezkor-qidiruv faoliyatini samarali amalga oshirish, tezkor-qidiruv faoliyatini amalga oshiruvchi shaxslarga ortiqcha vakolat berish, ularning sansalorlikka yo’l qo’yishining oldini oladi. Misol uchun, ushbu qonunning tezkor-qidiruv faoliyatini amalga oshirishdagi qat’iyligi “Tezkor-qidiruv faoliyati to’g’risida”gi qonunning 10-moddasi 2-qismida keltirib o’tilgan. Unda keltirilishicha tezkor-qidiruv faoliyatini amalga oshiruvchi organlardan tashqari boshqa davlat organlari, shuningdek yuridik va jismoniy shaxslar tomonidan tezkor-qidiruv faoliyatini amalga oshirish taqiqlanadi deya keltirib o’tilgan. Bundan tashqari, “Tezkor-qidiruv faoliyati to’g’risida”gi qonunning 17- moddasi 1-qism 4-bandida ushbu qonunda nazarda tutilmagan tezkor-qidiruv tadbirlarini o’tkazishning taqiqlanishi mazkur qonunning qat’iyligini yana bir karra isbotlaydi. “Tezkor-qidiruv faoliyati to’g’risida”gi qonunning 11-moddasi ham bevosita tezkor-qidiruv faoliyati yuzasidan vakolatli shaxslarning bu boradagi vakolatini cheklashga qaratilgan.