1–Ma’ruza. Mavzu: Shaharlarda suvni chetlatish tarmog‘i elementlari va drenajlar Reja

54-rasm. Park yoritgichlarining turlari
Svetoforni joylashtirish
Svetoforlar ko‘cha yoritish tarmoqlari, trolleybus va tramvay kontakt tarmog‘i tayanchlariga, imoratlar devoriga yoki aloxida tayanchlarga joylashtirilishi mumkin. Svetofor tayanchlari trubka shakliidagi stoyka bo‘lib fundament tayanchlariga maxkamlanadi. Unga esa svetofor montaj qilinadi.
Yo‘l belgilari va ko‘rsatkichlarini o‘rnatish
Yo‘l belgilari va ko‘rsatkichlari ko‘cha yoritish tarmog‘i tayanchiga, trolleybus va tramvaylar kontakt tarmog‘iga, imoratlar devoriga, Shahar inshoatlariga yoki o‘z tayanchlariga kronshteyn yoki tros yordamida o‘rnatiladi. Yo‘l belgilari va ko‘rsatkichlarining o‘z tayanchlari stoyka shaklida svetoforlar tayanchlari yoki tayanch stolba shaklida bo‘lishi mumkin.
Yo‘l belgilari tayanchlarini kronshteyn bilan o‘rnatishning texnologik jarayoni quyidagilarni o‘z ichiga oladi:

1. 
   Diametri 100-150 sm va chuqurligi 1.5 m bo‘lgan skvajina kovlanadi;
   
2. 
   Tratuar yoki gazon satxi bo‘yicha tayanchni o‘rnatish uchun beton gardish montaj qilinadi;
   
3. 
   Ko‘tarma kran yordamida skvajinaga tayanch o‘rnatiladi va teodolit yordamida vertikal joylashganligi tekshiriladi;
   
4. 
   Ko‘tarma kran yordamida kronshteyn montaj qilinadi;
   
5. 
   Tayanch teshiklari orqali tungi vaqtda belgilarni yoritish uchun elektr kabellari o‘tkaziladi;
   
6. 
   Kronshteynga yo‘l belgilari va ko‘rsatkichlari ( tros yordamida kerakli balandlikga osiladi) montaj qilinadi.
   

Yo‘l to‘siqlarini o‘rnatish
Ko‘chalar va yo‘llardagi to‘siqlar avtomobillar va yo‘lovchilar xarakat xavsizligini ta’minlash uchun o‘rnatiladi.Vazifasiga ko‘ra ular xar xil konstruksiyaga ega bo‘lishi mumkin. Eng ko‘p tarqalganlari bort toshlari yonida (0.3-0.4 m tashqi chetidan) o‘rnatiladigan truba shakldagilardir. Ularni joylashtirish uchun otboyka bolg‘asi yoki burg‘ulash yordamida to‘siq tayanchini joylashtirish uchun skvajina kovlanadi. So‘ngra asfaltobeton (trotuarda) yoki boshqa materiallar bilan (gazonda) to‘ldiriladi.