2 – amaliy mashg’ulot mavzusi: Tana harorati, puls, qon bosim, nafas olish Reja

Tana harorati normada qanday bo‘lishi kerak?
Barchaga ma’lum tana harorati ko‘rsatkichi – 36,6 °C​. Umuman olganda tana harorati normada shunday ko‘rsatkichda bo‘lishi kerakmi? 36,6 °C​ ko‘rsatkichi bir necha ilmiy izlanishlar natijasida belgilangan bo‘lib, u birinchi marotaba nemis olimi Karl Reynxold Vunderlix tomonidan XIX asrda aniqlangan. O‘sha vaqtda olim, 25 ming insonda 1 mln. marotaba tana haroratini o‘lchab ko‘rgan. 36,6 °C​ko‘rsatkich faqatgina o‘rtacha qilib olingan sondir. Zamonaviy tibbiyotda tana haroratining normal ko‘rsatkichi aniq bir ko‘rsatkichda emas, balki ma’lum diapazon oralig‘ida bo‘ladi – 36°C​ dan 37,4°C​ gacha. Shifokorlar tavsiyasiga ko‘ra inson o‘z tana haroratini tez-tez o‘lchab turib, o‘zi uchun normal bo‘lgan ko‘rsatkichni bilib olishi kerak. Inson yoshi kattalashgan sari temperaturasi pasayib boradi, bolalik davrida esa tana harorati yuqori ko‘rsatkichlarda bo‘ladi. Shuning uchun ba’zi hollarda 36°C​ kattalar uchun normal. Bolalar uchun gipotermiya bo‘lib hisoblanadi. Bundan tashqari, tana haroratini o‘lchash usullarini bilish ham muhim – qo‘ltiq osti, to‘g‘ri ichak yoki til ostidagi ko‘rsatkichlar 1-1,5 °C​ ga farq qiladi.