2 – amaliy mashg’ulot mavzusi: Tana harorati, puls, qon bosim, nafas olish Reja

Bolalar tana harorati
1 yoshgacha bo‘lgan bolalarda termoregulyatsiya funksiyasi hali to‘liq shakllanmagan bo‘lganligi sababli, kichik ta’sir natijasida ham tana harorati o‘zgarib qolishi mumkin. ayniqsa 3 oylikkacha bo‘lgan bolakaylarda. Ota onalar tana harorati ko‘tarilganda vahimaga tushib qolishadi, lekin tana haroratining 37-38 °C​ ko‘rsatkichlarda bo‘lishiga quyidagilar sabab bo‘lishi mumkin:

• 
  Juda qalin kiyim;
  
• 
  Yig‘lash;
  
• 
  Kulish;
  
• 
  Ovqatlanish, sut bilan oziqlanish;
  
• 
  34-36°C​ dan yuqori haroratli suvda cho‘miltirish.
  

Uyqudan keyin harorat biroz pastroq, lekin o‘yin, aktiv harakatlardan keyin tana harorati ko‘tariladi. Shuning uchun tana haroratini o‘lchaganda tashqi muhit omillarini ham inobatga olish zarur. Shunday bo‘lsa ham baland ko‘rsatkichdagi (38°C​) tana harorati, bola uchun xavfli bo‘lishi mumkin. Organizm tanani sovitish uchun ko‘p suyuqlik sarflaydi, natijada bolalarda suvsizlanish holatlari kelib chiqishi mumkin. Suvsizlanish esa bola hayoti uchun xavfli bo‘lishi, oddiy O‘​RVI kasalliklarining pnevmoniyaga o‘tib ketishi, bola hushini yo‘qotishi mumkin. Bundan tashqari, 5 yoshgacha bo‘lgan ayrim bolalarda, tana haroratining febril (38-39°C​) darajada ko‘tarilishi hisobiga sudorgilar (talvasalar) kuzatiladi. Agar shu kabi holat bir marta bo‘lsa ham yuzaga kelsa, kelajakda tana haroratining kichik ko‘rsatkichlarda o‘zgarishi ham xavfli bo‘lishi mumkin.