2 – amaliy mashg’ulot mavzusi: Tana harorati, puls, qon bosim, nafas olish Reja

2 – amaliy mashg’ulot mavzusi:
Tana harorati, puls, qon bosim, nafas olish
Reja:

1. 
   Tana harorati va uni o’lchash
   
2. 
   Puls, turlari, aniqlash
   
3. 
   Qon bosimni o’lchash
   
4. 
   Nafas olish, turlari, sanash
   

Tana haroratining o‘zgarishi – ko‘pchilik kasalliklar belgisi. Tana harorati ko‘tarilganda nima qilish kerak ? – ushbu savol shifokorlarga ko‘p beriladigan savol. Temperatura ko‘tarilishi bemorlarni sarosimaga tushib qolishiga sabab bo‘ladi.

Kattalarda tana harorati
Inson tana harorati termoregulyatsiya jarayoni bilan boshqariladi, ya’ni bu funksiya doimiy haroratni ushlab turish vazifasini bajaradi. Termoregulyatsiyani gipotalamus boshqaradi. Lekin hozirgi kunda shifokorlar qayd etishicha tana haroratini boshqaruvchi markazni yagona deb bo‘lmaydi, chunki inson tana haroratiga ta’sir etuvchi bir necha faktorlar bor. Yosh bolalarda tana harorati tez-tez o‘zgarib turadi, kattalarda esa (16-18 yoshdan boshlab) deyarli stabil bo‘ladi. Lekin sutka davomida ham harorat ko‘rsatkichi bir xil bo‘lmaydi. Chunki sutka davomida ro‘y beradigan fiziologik o‘zgarishlar ham bor. Masalan, sog‘lom odamning tongi va kechki tana harorati ko‘rsatkichlari 0,5-1,0 °C ga farq qiladi. Tana harorati tashqi muhit ta’sirlarida ham o‘zgarib turadi, masalan jismoniy zo‘riqish vaqtida, ma’lum bir mahsulotlarni iste’mol qilganda (achchiq va o‘tkir mahsulotlar), stress vaqtida, qo‘rqqanda, hatto aqliy mehnat bilan ko‘p shug‘ullanganda harorat ko‘tariladi.