2-laboratoriya ishi. O‘lchash vositalarini sinash turlari ishning mаqsаdi

Qayta qiyoslash davriy, navbatdan tashqari, inspeksion va ekspertli qiyoslash ko‘rinishida o‘tkaziladi.
Davriy qiyoslashlar O‘V uchun mo‘ljallangan hujjatlarda belgilangan tartibda doimiy yoki o‘zgaruvchan interval (qiyoslashlararo oraliq) ko‘rinishida o‘tadi.
O‘V qiyoslashlararo interval (oraliq) (qiyoslash davriyligi) O‘V turi (attestatlashi) MI 2187-91 muvofiqligida belgilanadi.
Qiyoslashlararo interval (oraliq) O‘V ni ekspluatatsiya qiluvchi yoki uni qiyoslovchi tashkilot tomonidan, O‘zstandart Agentligi qarori bilan O‘V metrologik tavsifi barqarorligi haqida statistik ma’lumotlar asosida o‘zgartirilishi mumkin (ko‘paytiriladi va qisqartiriladi).
Qiyoslashlararo interval (oraliq) muddati o‘tib ketgan, ko‘p muddat saqlanayotgan O‘V uning konservatsiyasi va saqlanishi talablariga rioya qilish sharti bilan, davriy qiyoslashdan o‘tishi shart emas.
O‘V ko‘p muddatga saqlanishga topshirilganda, so‘nggi qiyoslash va konservatsiya boshi sanasi berilgan, shuningdek konservatsiya shartlari, shu bilan birga barcha joylab o‘rash va saqlash shartlari ko‘rsatilgan akt bilan rasmiylashtiriladi. Qaytadan ishga tushirilgan O‘V ni qiyoslash ekspluatatsiya qilishdan avval o‘tkaziladi.
Vaqt davomida metrologik tavsifi barqaror bo‘lib qoladigan O‘V davriy qiyoslashdan o‘tmasaligi joiz (masalan, o‘lchamli shisha idishi).
O‘V ni qiyoslash uchun o‘rnatilgan (belgilangan) kalendar vaqtlari jadval bo‘yicha o‘tkazilishi mumkin. O‘V ni qiyoslash jadvalini tuzish va muvofiqlashtirish tartibi qiyoslashni amalga oshiruvchi tashkilot yoki uning bo‘linmalari tomonidan belgilanadi.
Qiyoslash jadvali O‘V egasi va yuridik shaxslar o‘rtasida tuzilgan qiyoslash shartnomasiga ilova qilib berilishi mumkin.
Qiyoslash jadvali qiyoslashga jo‘natilgan O‘V egasi va qiyoslash idorasi ishlarini koordinatsiya qilish maqsadida tuziladi.
Navbatdan tashqari qiyoslash qiyoslashlararo interval tugagunga qadar iste’molchi talabiga ko‘ra quyidagi hollarda o‘tkaziladi:
- qiyoslashlararo intervalni to‘g`rilash zarurligida;
- O‘V ning yaroqliligini tasdiqlash zarurligida;
- qiyoslash tamg`asi shikastlanganda yoki davriy yoki dastlabki qiyoslashni o‘tkazayotganda hujjatlarning yo‘qolishida;
- O‘V mavjud buyumlar yoki O‘V konservatsiyalash talablari bilan bo¼liq davriy qiyoslashdan o‘tmagan O‘V ni saqlangandan keyin ekspluatatsiya qilishda;
- O‘V ni, shuningdek O‘V qo‘llanadigan buyumlarni qayta konsrvatsiya qilishda.
Uzoq muddat saqlangandan keyin ombordan olingan va transportirovka qilinganda yoki oxirgi qiyoslashdan keyin qiyoslashlararo oraliq vaqtining yarmidan ko‘pi o‘tib ketgan bo‘lsa, O‘V ekspluatatsiya qilishdan oldin navbatdan tashqari qiyoslashdan o‘tadi.
O’z DSt 8.002 ga muvofiq davlat metrologik nazoratini amalga oshirish bilan birga davlat metrologik xizmati yoki «O‘zstandart» Agentligi qarorlariga binoan boshqa asoslangan hollarda