2-mavzu. Korxonaning

Amortizatsiya – bu ancha murakkab jarayon bo‘lib, iste’mol qilingan mehnat vositalari qiymatini ularning eskirishiga muvofiq ravishda yangi mahsulotga o‘tkazish yo‘li bilan asta-sekin muayyan yillar davomida, shu iste’mol qilingan mehnat vositalarining o‘rnini qoplash maqsadida pul fondini jamg‘arish jarayonini aks e’ttiradi.
Shunday qilib, eskirish amortizatsiyaning dastlabki shart- sharoitidir.
Amartizatsiya hisoblanadigan mulk tarkibida O`zbekiston Respublikasini qonunchiligiga ko‘ra qiymati eng kam oylik ish haqining 50 barobaridan ortiq bo‘lgan va foydalanish muddati 1 yildan oshadigan mulklar kiradi. Yer uchastkalari, qazilma boyliklar, o‘rmon va moliyaviy aktivlar bundan mustasno.
O‘zbekiston Respublikasining Soliq Kodeksiga muvofiq asosiy vositalar amortizatsiya normalari bo‘yicha quyidagi yettita guruhga bo`linadi.
O‘zbekiston Respublikasida asosiy vositalar bo‘yicha amortizatsiya normalari. 4.1-jadval.

№	Asosiy vositalarning nomi	Amartizatsiyaning eng yuqori normasi foizda
1	Binolar, imoratlar va inshootlar	5
2	Uzatish qurilmalari	8
3	Kuch-quvvat beradigan mashinalar va uskunalar	8
4	Faoliyatning turlari bo‘yicha ish mashinalari va uskunalar(harakatlanuvchi transportdan tashqari)	15
5	Harakatlanuvchan transport:
5.1	-temir yo‘lning harakatdagi tarkibi; -dengiz, daryo kemalari, baliqchilik sanoati kemalari; -havo transporti	8
5.2	-avtomobil transportining harakatdagi tarkibi; -ishlab chiqarish transporti; -yengil avtomobillar va taksilar; -sanoat traktorlari.	20
5.3	-komunal transport; -maxsus vaxta vagonlari.	10
5.4	-boshqa transport vositalari.	20
6.	Kompyuter, periferiya qurilmalari, ma’lumotlarni qayta ishlash uskunalari.	20
7.	Boshqa guruhlarga kiritilmagan qat’iy belgilangan aktivlar.	10