3-Mavzu: Destinatsiyalar brendingi va mehmonxona xo`jaligi. Reja

Dizaynning maqsadi. Ma‘lum bir hududning madaniyati va har bir davrning o‘ziga xos axloqiy-estеtik qadriyatlari, insonni o‘rab turgan moddiy olamni talablaridan kеlib chiqqan holda estetik ehtiyojlarni qondirishdan iborat.
Dizayn mеtodlari. Arxitеktura sohasida ishlab chiqilgan kompozitsiya mеtodlariga ancha yaqin, ammo tadqiqotchilikda evristik, ya‘ni tеz kashf etish usullarini qo‘llaydi, undan tashqari, turli badiiy ijodkorlikda qo‘llaniladigan hamda ilmiy faoliyatga tatbiq etilgan usul va mеtodlardan foydalaniladi. Dizaynning texnik shaklga bo'lgan asosiy muammosi - bu foyda, qulaylik va joziba. Shuning uchun dizayn hayotimizni qulay, ko'rinishini esa jozibador va chiroyli bo'lishiga sababchi bo'ladi. Dizayn (loyiha-fikr) - bu zamonaviy san'at ishlab chiqarishida ijodiy faoliyatning yangi turi (ko'rinishi) yoki asosiy maqsadi uyg'unlashgan jismlar muhiti yaratish. Shuningdek, insonning moddiy va ma'naviy, estetik talablarini qondirishga qaratilgan ijodiy faoliyat turlaridan biri.
Dizaynni yaratishda milliy madaniyat, iqlim, qurilish materiallarining uyg'unligi bo'lishi lozim. Bundan tashqari, buyum madaniyati faqatgina shakldan iborat emas, balki maqsadga muvofiq bo'lmog'i, ya'ni shakl va mazmunning birligidan iborat bo'lishi lozim. Masalan, jamoat ovqatlanish korxonasi binosi yoki mehmonxonaning chiroyli shakli muhim, biroq ularda ishlab chiqarish yoki dam olish va yashash uchun shart-sharoitlarni yaratish bundan ham muhimroqdir. Shu bois dizayn nafaqat yaxshi, chiroyli buyumlarni yaratadi, balki predmetlar olamini tartiblashtiradi, bizlarni keraksiz, ortiqcha buyum va detallardan xolos etadi. Shunday qilib, dizaynning vazifasi nafaqat yaxshi va qulay buyumlar shaklini yaratish, balki ijtimoiy talablarni qondirishdan iboratdir. Dizaynni baholashda eng ishonchli kriteriy-bu uning qo’llanilishi o’ziga mos kelishidir.
Sayyohlik biznesida dizayn juda katta rol o’ynaydi. Retsoranlar hamda mehmonxonalarni loyihalashtirishda va bezatishda dizayn juda muhimdir. Mehmonxonalarda dizayn hamma erida mavjud. Mexmonxonaga kirishdayoq biz dizayn va reklama elementlari bilan ro’para kelamiz. Bunga albatta mehmonxona nomi ham kiradi. Uning qanchalik chiroyli va original o’ylab topilganligi mexmonxona mijozlarining eng birinchi taasurotini shakllantiradi. Yana dizaynerning ishini biz foyeda ko’ramiz. (mebellar, badiiy dekorativ favvorachalar, qandillar va boshqa narsalar). Dizaynerning mahorati xonalardagi shinamlikni ta'minlaydi. Shinamlik faqat chiroyli mebel borligi bilan emas balki ularni to’g’ri joylashtirilishi, pardalarni original drapirovkasi, devorlarni bezagida dekorativ va tasviriy san'atning mahoratli ishlatilishi bilan ta'minlanadi.