4-ma’ruza yelka qismini va yeng o’mizini modellash Reja

15-rasm, a. Kengaytirilgan yoqa o’mizini bezatish variantlari:
a – yumshoq taxlanmalar bilan; b – burma bilan

16-rasm, b. Ko’krak qismining yoqa o’mizi kengaytirilgan o’yilish bo’yicha yumshoq taxlanmalar bilan ishlanishi:
a – taxlanmalar chizig’ini solish; b – tayyor andaza

Tikib ulanuvchi yengli ko’krak qismi baza asosida andazani bajarish uchun yoqa o’mizining yangi chizig’i belgilanadi. Keyin old bo’lak o’rta chizig’idan kengaytirilgan yoqa o’mizida ikki marta 3 sm dan tashlanadi. Hosil qilingan nuqtalar (yoqa o’mizining neytral nuqtasi ham) to’g’ri chiziqlar yordamida ko’krak markazi bilan birlashtiriladi. Yon kesik chizig’ida yeng o’mizidan 3 sm tashlanadi va bu nuqtadan ko’krak markaziga to’g’ri chiziq o’tkaziladi. Ko’krakusti vitochka ignachalar bilan ulanib andaza belgilangan chiziqlar bo’ylab kesiladi. Vitochka ochilishi taxlanmalarga bir tekis taqsimlanadi.

17-rasm, a. Yelka kesiki oldida yumshoq taxlanmalar va bo’rtma burmali ko’krak qismi variantlari





18-rasm, b. Ko’krakusti vitochkani yelka kesikidan ikki va uch taxlanma bilan almashtirish:
a,b – old bo’lakka taxlanmalar chizig’ini solish;
v,g – tayyor andazalar


Ko’krak usti vitochkani yelka kesikidan taxlanmalar bilan almashtirish. Yelka kesiki chizig’ida nuqtalar – taxlanmalar joyi belgilanadi. Birinchi taxlanma holati yoqa o’mizidan 4-4,5 sm. Keyin andazaga ko’krak chiziqlari solinadi. Unda ham taxlanmalar holati belgilanadi: ikki taxlanma uchun markazdan o’ngga 2,5 sm tashlanadi, uchtasi uchun – chapga va o’ngga 2,5-4 sm dan qo’yiladi. Yelka kesiki nuqtalari ko’krak chizig’i bo’yicha hosil qilingan nuqtalar bilan birlashtiriladi. Ko’krakusti vitochkasi ochilishini model bilan ko’zda tutilgan taxlanmalar soniga taqsimlanadi.
Taxlanmalar yumshoq yoki qisman baxyaqatorlangan bo’lishi mumkin. Bu bichim tekis ko’krak qafasli figuralarga kerakli hajm yaratish uchun taklif etiladi. Bu holda taxlanmalar burma, bo’rtma burmalar bilan almashtirilishi mumkin. Katta ko’krak bezli figuralar uchun ham bu bichimni (qisman baxyaqatorlangan taxlanmali) taklif qilish mumkin, lekin juda katta hajmni yashirish maqsadida.
Ko’krakusti vitochkani yeng o’mizi chizig’i oldida taxlanma bilan almashtirish. Taxlanma chizig’ini yeng o’miziga parallel ko’krak chizig’i darajasigacha va keyin yeng o’mizidan ko’krakusti chizig’i markazigacha belgilanadi. Belgilangan chiziqlar bo’yicha andaza kesiladi, ayni vaqtda ko’krakusti vitochka yopiladi. Yelka kesiki yeng o’mizi oldidagi yopilgan hosil qilingan taxlamada bezatiladi.