9-amaliy mashg’ulot Mavzu: G’o’za yetishtirishda bajariladigan agrotexnik tadbirlar rejalarini tuzish. Mashg‘ulotning maqsadi

9-amaliy mashg’ulot
Mavzu: G’o’za yetishtirishda bajariladigan agrotexnik tadbirlar rejalarini tuzish.

Mashg‘ulotning maqsadi: tuproq-iqlim sharoitiga kо‘ra g‘о‘za yetishtirish texnologiyasining asosiy elementlari keltirilgan yillik texnologik xarita tuzish uslubi va tartibini о‘rganish.

Nazariy ma’lumot

G’o’za. G’o’za (paxta) ekini O’zbekiston qishloq xo’jalik ekinlari ichida eng asosiysi hisoblanadi. U juda katta xalq ahamiyatiga ega. Undan juda ko’p is’temol mollari tayyorlanadi. G’o’za asosan tolasi uchun ekiladi. Lekin undan 150 xildan oshiqroq mahsulot olinadi.

G’o’za Gossipium avlodiga, gulxayrisimonlar oilasiga mansubdir. Uning 35 turi ma’lum, shundan 5 turi, bizning mamlakatimizda esa 2 turi ekiladi:

1.Gossipium xirzutum-o’rta tolali oddiy g’o’za.

2.Gossipium barbadenze-ingichka tolali Peru g’o’za.

Ildizi baquvvat o’q ildiz bo’lib 2.4-2.6 m chuqurlikka ketadi. Asosiy qismi esa 0.5 m joylashadi. Ildizining diametri 1-3 sm keladi.Yon ildizlari ham juda rivojlangan. Poyasi tik o’sadi. Poyaning diametri-1-2 sm. G’o’zada ikki xil shox bo’ladi. Birinchi-monopodial, ikkinchisi –simpodial.

Paxta yetishtirish uchun agronomik jihatdan xо‘jalik uchun yil bо‘yi bajariladigan turli dala ishlarining taxminiy kalendar rejasini tuzib chiqish kerak. Kalendar rejani tuzib chiqishda aytib о‘tilgan uchala mintaqaning chigit ekilganga qadar amalga oshiriladigan texnologik tadbirlarining bir-biridan farq qilishi hisobga olinadi. Bu tadbirlar har 5 yilda bir marta O’zbekiston Respublikasi qishloq va suv xo’jaligi vazirligi tomonidan chiqariladigan “ Asosiy qishloq xo’jalik ekinlarini parvarishlash va mahsulot yetishtirish bo’yicha namunaviy texnologik kartalar” da to’liq bayon qilingan bo’ladi.