Academic research in modern science international scientific-online conference 30 конституциявий судда мурожаатларни кўриб чиқИШ

---

ACADEMIC RESEARCH IN MODERN SCIENCE
 
International scientific-online conference 
30 
КОНСТИТУЦИЯВИЙ СУДДА МУРОЖААТЛАРНИ КЎРИБ ЧИҚИШ 
Нурмаматова Ноила Дониёровна 
Давлат бошқаруви ҳуқуқи факультети магистранти,
Тошкент давлат юридик университети 
[e-mail] 
https://doi.org/10.5281/zenodo.6060657
 
Аннотация:
Мазкур тезисда Ўзбекистон Республикаси Конституциявий судида
мурожаатларнинг қай тартибда кўриб чиқилиши ҳамда Ўзбекистон Республикасининг 
Конституциявий суди томонидан ишларни кўриб чиқиш жараёнининг хорижий 
мамлакатлари билан фарқли ва ўхшаш томонлари таҳлил қилинган. 
Калит сўзлар:
мурожаатни дастлабки тарзда ўрганиш, иш юритиш 
иштирокчилари, суд қарори, суд хулосаси, жамоатчилик эшитуви. 
 
Конституциявий судда иш юритиш тартиби “Ўзбекистон Республикасининг 
Конституциявий суди тўғрисида”ги қонун билан тартибга солинади. Аввало, 
Конституциявий судда иш юритиш юзасидан биринчи муҳокама қилиниши лозим 
бўлган масала бу Конституциявий судда масалаларни дастлабки тарзда ўрганиш 
бўлиб, Конституциявий суд мурожаат олинган кундан эътиборан етти кундан 
кечиктирмай уни ўрганишга киришиши, Конституциявий суднинг раиси келиб тушган 
мурожаатни ушбу Қонунда қўйилган талабларга мувофиқлиги нуқтаи назаридан 
дастлабки тарзда ўрганишни ва мурожаатни дастлабки тарзда ўрганиш натижалари 
бўйича хулоса тайёрлашни Конституциявий суднинг бир ёки бир нечта судьясига 
топшириши, мурожаатни дастлабки тарзда ўрганиш конституциявий суд ишларини 
юритишнинг мажбурий босқичи эканлиги, мурожаатни дастлабки тарзда ўрганиш 
натижалари юзасидан Конституциявий суд судьясининг (судьяларининг) хулосаси суд 
мажлисида маъруза қилиниши таъкидланган. Мурожаатни кўриб чиқиш учун қабул 
қилиш тўғрисида Конституциявий суд ажрим чиқаради. Ажримда иш бўйича 
маърузачи судья, ишни кўриш санаси, шунингдек ишни кўриш учун тайёрлаш билан 
боғлиқ бошқа масалалар кўрсатилади. Қабул қилинган ажрим ҳақида конституциявий 
суд ишларини юритиш иштирокчилари уч кунлик муддатда ёзма шаклда хабардор 
қилинади.
Хорижий 
тажрибадан, 
Россия 
Федерациясининг Конституциявий суд тўғрисидаги қонунига кўра, Россия 
Конституциявий судида иш юритиш коллегиаллик, мустақиллик, ошкоралик, оғзаки 
иш юритиш, судда иш юритиш тили, суд мажлисининг узлуксизлиги, тарафларнинг 
рақобатдошлиги ва тенглиги каби принципларга асосланади. Шунингдек, бевосита 
Конституциявий судга келиб тушган аризани иш юритувга тайинлаш масаласига 
келсак, Россия Конституциявий судининг сессиялари Россия Федерацияси 
Конституциявий суди раиси томонидан чақирилади ва Россия Федерацияси 
Конституциявий суди мажлисида эшитиш учун ишларни тайинлаш тўғрисидаги қарор 
Россия Федерацияси Конституциявий суди томонидан ишларнинг давлат аҳамиятига 
ва мурожаатларни қабул қилиш тартибини ҳисобга олган ҳолда қабул қилинади. 
Иккинчидан, Конституциявий суд ҳар бир мурожаатни ўз иш 

---