Adliya vazirligi qoshidagi "adolat" milliy huquqiy axborot markazi

BOLALARNING DAVLAT ORGANI VA 
TASHKILOTLARIGA MUSTAQIL MUROJAAT 
ETISH HUQUQI
Bolalarning manfaatlarini ko‘zlab murojaatlar ularning qonuniy 
vakillari tomonidan qonunchilikda nazarda tutilgan tartibda berilishi 
mumkin.
Bolalar o‘z huquqlari, erkinliklari va qonuniy manfaatlariga 
rioya etilishi masalalari yuzasidan davlat organlariga, tashkilotlarga 
yoki ularning mansabdor shaxslariga belgilangan tartibda mustaqil 
ravishda murojaat berishga haqli. Davlat organlari, tashkilotlar yoki 
ularning mansabdor shaxslari tomonidan voyaga yetmagan shaxsning 
murojaatlarini ko‘rib chiqish uning qonuniy vakillari, shuningdek, 
vasiylik va homiylik organlari ishtirokida amalga oshirilishi mumkin. 
Bolalar to‘liq muomala layoqatiga ega bo‘lmaganligi sababli ularning 
murojaatlarini ko‘rib chiqmasdan qoldirishga yo‘l qo‘yilmaydi.
Murojaatda qo‘yilgan masalalarni hal etish o‘z vakolatiga 
kirmaydigan davlat organlari, tashkilotlar, shuningdek ularning 
mansabdor shaxslari murojaatni tegishli davlat organiga, boshqa 
tashkilotga yoki mansabdor shaxsga yoxud vasiylik va homiylik 
organiga yuborishi shart.

---

9
BOLANING ERKINLIK VA SHAXSIY
DAXLSIZLIK HUQUQI
Aziz o‘quvchilar! Hech kim yashash joyingizga, xatti-
harakatlaringizga daxl qila olmaydi. Bu qonun bilan mustahkamlangan. 
Sizga kelgan xat-xabarlarni sir tutishingiz mumkin. 
Davlat sizni har qanday qiynoqlarga solinishdan, manfaatlaringizga 
salbiy ta’sir qiluvchi har qanday turdagi harakatlardan himoya qiladi.
BOLANING HIMOYAGA BO‘LGAN HUQUQI
Bolalar ham har qanday buzilgan huquqini sud orqali himoya 
qilishlari mumkin.
Agarda huquqlaringizni himoya qila olmasangiz ota-onangiz 
yoki ular o‘rnini bosuvchi shaxslar, shuningdek, vasiylik va homiylik 
organlari, prokuror hamda sud tomonidan himoya qilinishingiz 
mumkin.