Ахборот тизимлари ва технологиялари Кириш

Тизим	Тизим элементлари
Тизимнинг асосий мақсади
1	Ишлаб чиқариш корхоналари	Одамлар ишлаб чиқариш асбоб ускуналари, материаллар, бинолар ваҳ.к.	Махсулотни ишлаб чиқариш
2	Компьютерлар	Электрон ва электромеханик асбоб-ускуналар элементлари алоқа линиялари ва шу кабилар	Берилганларга ишлов (берил­ганлар устида алгебраик ман­тиқ амалларини бажариш)берилади ва натижасида ахборот қайта ишланади
3	Телекомму- никацион тизимлар	Компьютерлар, модемлар, кабел­лар, симлар, тармоқнинг прог­рам­ма таъминоти, тармоқнинг математик таъминоти, тармоқ­нинг лингвистик таъминоти ваҳ.к.	Ахборотни узатиш
4	Ахборот тизими	Компьютерлар, компьютер тармоқлари, инсонлар, прог­рамм­а таъминоти, математик таъминот	Профессионал даражадаги ахборотларни ишлаб чиқиш

Ахборот тизими (АТ)деганда – восита, усуллар ва инсонларнинг ахборотни тўплаш, сақлаш, қайта ишлаш ва узатиш учун ўзаро боғланган ва ҳаракатланувчи тизим тушунилади. Замонавий ахборот тизимлари деганда, асосий восита сифатида шахсий компьютер тушунилади. Ваҳоланки, замонавий ахборот тизимлари main freim, яъни суперкомпьютерларда ҳам мавжуд бўлиши мумкин. Суперкомпьютер деганда, 1 секундда 10¹² дан ортиқ амални бажарувчи кўп процессорли компьютерлар тушунилади. Ахборот тизимлари корпоратив тарзда ҳам амалга оширилади, яъни бирорта катта ташкилот ичидаги ахборот тизими шаклида. Бу тизим махаллий ёки транснационал ахборот тизимлари ҳам бўлиши мумкин, бундай тизимлар интернет тармоғи орқали фаолият юритган ҳолатда бир нечта давлатларни қамраб олган ҳам бўлиши мумкин. Транснационал корпорациялар ана шундай ахборот тизимлари орқали фаолият юритади. Корпоратив ва транснационал ахборот тизимлари шахсий компьютерлар билан бир қаторда суперкомпьютерлардан ҳам фойдаланиши мумкин.
Қуйидаги жадвалда ахборот тизимларининг тарихи ва уларнинг мақсади турли даврлар бўйича келтирилган.