Амалиётнинг ишчи ўқув дастури ўқув, ишчи ўқув режа ва ўқув дастурига мос ҳолда ишлаб чиқилган

Амалиётнинг мақсад ва вазифалари

Ишлаб чиқариш амалиётини ўтказишдан мақсад - талабаларни Агрономия ва биотехнология факультети ўқув тажриба хўжалигида ва вилоятда ихтисослашган Академик Мирзаев номидаги боғдорчилик ва узумчилик илмий-текшириш институти бухоро тажриба стансиясида , ишлаб чиқариш корхоналарида назарий билимларини амалда қўллай олишга йўналтиришдан иборат. Бунинг учун қуйидаги вазифалар бажарилади: талабаларни илмий–текшириш институтлари ва ишлаб чиқариш корхоналари (фермер хўжаликлар)да дала шароитида илмий тадқиқотлар олиб бориш; дала асбобларидан фойдаланиш; тажриба қўйиш техникаси ва услубиёти билан дала шароитида ўрганиш, экинларни экиш ва етиштиришда қўлланиладиган агротехник тадбирлар, олинган натижаларни ҳисоблаш ва таҳлил қилиш кўникмасини эгаллаш натижалар асосида ҳисобот ва илмий мақолалар ёзиш билан таништириш ҳисобланади.

Фан бўйича билимига, кўникма ва малакага эришилишига
қўйиладиган талаблар

Ишлаб чиқариш амалиётини ўтказиш жараёнида амалга ошириладиган масалалар доирасида бакалавр:

Мевачилик ва узумчилик сохасидаги замонавий тизимлар, жараёнлар, қурилмалар ва янги технологиялар, тупроқ унумдорлигини ошириш, ишлаб чиқариш фаолияти сифатини бошқариш жараёнлари ва уларни тадбиқ қилиш, ишлаб чиқариш жараёнларини амалга ошириш учун зарур бўлган ишлаб чиқариш жараёнлари ва ресурсларини режалаштириш, Мевачилик ва узумчиликда замонавий технологиялар тизимини яратиш ва улардан фойдаланиш, ишлаб чиқариш жараёнлари мониторинги ва сифатини баҳолаш методлари ва механизмлари, ишлаб чиқаришни ташкил этиш ва такомиллаштириш бўйича технологик ечимларни ишлаб чиқиш, қўллаш, каби тасаввурга эга бўлиши;
Амалиётда бажариладиган ишларнинг тартиби ва техникасини, замонавий асбоб-ускуналар ёрдамида илмий-тадқиқот ишларини бажаришни, мавзу (топшириқ) бўйича илмий-техникавий маълумотларни йиғишни, уларга ишлов бериш ва таҳлил қилишни, амалиётда олинган маълумотларни тизимлаштиришни, ишлаб чиқариш жараёнларининг атроф-муҳит муҳофазаси, ёнғин, техника ва меҳнат хавфсизлиги талабларига мослигини мониторинг қилишни, амалиёт натижаларини ишлаб чиқаришда қўллашни билиши ва улардан фойдалана олиши;
Илмий–текшириш институтлари ва ишлаб чиқариш корхоналарида назарий билимларини қўллай олиш, дала ва лаборотория шароитида илмий иш олиб бориш, соҳага оид ташкилотларда тупроқшунос ва агроном бўлиб ишлаш, илмий–текшириш асбобларидан фойдаланиш, тажриба қўйиш, амалиёт ўтказиладиган объект тўғрисида умумий маълумотлар тўплаш, тупроқ унумдорлиги ва ўсимлик маҳсулотларининг сифатини назорат қилиш, натижаларни ҳисоблаш, таҳлил қилиш ва математик усулда ишлаш, тадбирларини амалда қўллаш, касбий этика кодексига риоя қилиш кўникмаларига эга бўлиши лозим.