Аси этнографик макон сифатида

Диссертация ишининг илмий-тадқиқот ишлари режалари билан боғлиқлиги. Диссертация Қарши давлат университети илмий-тадқиқот ишлари режасидан ўрин олган.
Илмий тадқиқотнинг мақсади. Жаҳон цивилизацияси контексида Қашқадарё воҳаси этнографик макон сифатида экалигини илмий адабиётлар, дала этнографик, даврий матбуот статистик ва бошқа материаллар асосида холисона ўрганиш диссертациянинг мақсадини ташкил этади.
Ушбу мақсаддан келиб чиқиб қуйидаги вазифалар бажарилади:

• 
  Қашқадарё воҳасини жаҳон цивилизациясидаги этнографик макон эканлигини очиб бериш;
  
• 
  воҳа ўзбекларининг этник тарихи ва этник таркибини илмий манбалар асосида ёритиш;
  
• 
  воҳа аҳолисининг жойлашуви ва этнодемографик жараёнларини ўрганиш;
  
• 
  аҳолини зироатчилик билан боғлиқ анъаналарининг этнолокал хусусиятларини очиб бериш;
  
• 
  аҳоли анъанавий хўжалигининг этнолокал жиҳатлари, ўзига хос хусусиятларини таҳлил этиш;
  
• 
  воҳа ўзбеклари моддий ва маънавий маданиятидаги этнолокал хусусиятларни очиб бериш;
  
• 
  воҳани этнографик макон эканлигини хулосалар ва тавсиялар билан бойитиш.
  

Илмий-тадқиқотнинг объекти. Қашқадарё воҳаси қадимги манзилгоҳлари, хусусан Ерқўрғон манзилгоҳи, Насаф, Кеш, Яккабоғ ҳудудлари ўзбекларининг этник таркиби, анъанавий, хўжалик, моддий ва маданий турмуш тарзи тараққиёт босқичларини этнографик жиҳатдан ўрганиш, воҳадаги этнодемографик жараёнлар ва аҳоли маданиятидаги трансформация жараёнларини тадқиқ қилишдан иборат.
Илмий-тадқиқотнинг предметини жаҳон цивилизацияси контексида Қашқадарё воҳасининг этнографик макон эканлиги ҳақидаги фикр мулоҳазалар ташкил этади.
Тадқиқот усуллари: тарих фанининг тарихийлик, тизимлилик, объективлик, кетма-кетлик, даврийлик, қиёсий, статистик таҳлил усулларидан фойдаланилди.
Тадқиқотнинг илмий янгилиги. Диссертациянинг илмий янгилиги шуки, ушбу диссертацияда қадимги жаҳон цивилизацияси контексида Қашқадарё воҳасининг этнографик макон сифатидаги ўрни ва аҳамияти турли-туман манбалар, археологик, этнологик, даврийлик асосида илмий жиҳатдан холисона ўрганилди ва янги маълумотлар билан янада бойитилди. Диссертацияга олинган янги тарихий-этнографик, дала маълумотлари илмий асослаб берилди.