Асосий бевосита объекти ҳисобланади. Қушимча бевосита объект бўлиб

Дезертирликнинг объектив томони ўз хохишига биноан қисмни ёки хизмат жойини ҳарбий хизматдан буйин товлаш мақсадида тарк этиш, ҳамда шу мақсадда хизматга келмасликда ифодаланади.
Дезертирликнинг тугалланган жинояти деб ҳарбий қисм ёки хизмат жойини тарк этиб муддатида хизматга келмаган вақтдан тан олинади. Бунда шуни кузда тутиш лозимки, дезертирликдан ўз хохиши бўйича қайтиши фақат ҳарбий қисмни ёки хизмат жойини тарк этгунича ёки хизматга келиш муддати тугагунича мумкин бўлади. Дезертирлик содир этган ҳарбий хизматчини айбини бўйнига олиб келиши, жазони енгиллаштирувчи ҳолат сифатида кўрилмоғи лозим (ЖК 55м. «а» банди). Бундай вазиятларда ЖК 66 ва 71моддаларида кўрсатилган маълум шароитларнинг мавжудлигида ҳарбий хизматчи жавобгарликдан ёки жазодан озод этилиши мумкин.
Субъектив томондан жиноятлар бевосита қасддан содир этилади. Субъектив томондан жиноятнинг мажбурий белгиси бўлиб, қисмни ёки хизмат жойини ўз хохишига биноан тарк этишнинг мақсади ҳисобланади.
Жиноят субъекти бўлиб, муддатли хизматдаги оддий ҳарбий хизматчилар, яъни аскарлар, матрослар, сержантлар ва муддатли хизмат старщиналари ҳисобланади.
ЖКнинг 288-модддаси 2-қисмида зобит таркибидаги шахс томонидан, прапоршик, мичман, контракт бўйича хизмат ўтаётган ҳарбий хизматчи томонидан содир этилган дезертирлик учун жавобгарлик белгиланган.
3. ҲАЛОК БЎЛАЁТГАН ҲАРБИЙ КЕМАНИ ТАШЛАБ КЕТИШ ЖИНОЯТИ УЧУН ЖАВОБГАРЛИК
Жиноятнинг бевосита объекти бўлиб катастрофа ёки аварияларда, ҳарбий кема «ҳалокатида» ҳарбий муносабатларнинг ўрнатилган тартиби ҳисобланади.
Жиноят объектив томондан ҳалок бўлаётган ҳарбий кеманинг командири охиригача ўз хизмат мажбуриятларини бажармасдан, ёки кема командаси таркибидаги шахс томонидан командирнинг тегишли фармойишисиз тарк этишида ифодаланади.
Агар ҳалок бўлаётган ҳарбий кемани командири ўз хизмат вазифаларини охиригача бажармай амалда тарк этган вақтдан бошлаб ёки командирнинг рухсатисиз команда аъзолари томонидан кемани тарк этган вақтдан бошлаб жиноят тугалланган деб тан олинади.