Bajardi: Qo`yliyev Alisher

Расулиллоҳ Хиро ғоридан қайтиб келиб, бўлган воқеани ва Қуръон сурасининг ваҳий қилинганини хотини Хадичага айтган ва дарҳол Хадича ваҳийни калима қилиб қайтариб мусулмон бўлган.
Муҳаммад қирқ ёшга кирганида Оллоҳдан фаришта Жаброил ваҳий келтирган. Дастлаб Қypъони Кармининг "Алақ" сурасининг дастлабки беш ояти илк ваҳий сифатида нозил қилинади. Тарихчиларнинг таъкидлашича, бу воқеа 610 йил 10 август, йигирма биринчи Рамазон душанба кунига тўғри келган .
Ваҳий - луғавий маъноси: «Уқдириш», «дилига солиш» мазмунида Оллоҳнинг пайғамбарига юборган амри
Ибн Исҳоқ-Ибн Хишомнинг «Сирату-р-Расул-Оллоҳ» асарида шундай ривоят келтирилган:
Муҳаммад Хиро ғорида тунаб қолган бир кечада осмондан овоз эшитган ва фаришта Жаброил унга «Ўқи!» деб буюрган. У «Мен ўқишни билмайман»,-деб жавоб берган. Жаброил яна «Ўқи!» деб икки бор такрорлаган ва ҳар дафъа у оғир азоб чеккан. Охирида фаришта унга кўрсатиб турган ёзувни беҳос ўқиган. Кейин Жаброил унинг Оллоҳнинг элчиси қилиб олинганини айтган.
Қуръоннинг 96-«Алақ», Лаҳта қон сурасининг дастлабки бешта оятида:
Бисмиллоҳи-р-Раҳмони-р-Раҳим
Иқраъ бисми раббика-л-лази халак
Халака-л-инсона мин алак
Иқраъ ва раббука-л-акрам
Аллази аллама би-л-калами
Аллама-л-инсона мо лам яълам
Таржимаси:
Ўқи, яратган Парвардигорнинг номи билан
Инсонни лахта қондан яратганнинг номи билан
Ўқи, Парвардигоринг фазлу карамли
Унинг ўзи қалам билан ўргатган
Инсонга унинг билмаганини ўргатган.
Дастлабки ваҳий келган кечаси «Лайлатул қадр»-мазмуни «қудрат кечаси» ёки «тақдир кечаси», илоҳий қудрат туфайли Қуръон юборила бошланган ва унда исломийлар тақдири белгиланган кеча
Муҳаммад Расулиллоҳ тарғиботига дастлаб яқин қариндошларидан бир қисми ишониб, унинг издошларига айланишди.
Муҳаммад дастлабки тўрт йилда ўз ҳовилисида тарғибот олиб борган. Унинг тарафдорлари 35 кишига етгач, бадавлат задагонлардан бирининг ўғли ал-Аркам 614 йилда йиғилишларни ўз ҳовлиси-да ўтказишни таклиф қилган. Ал-Аркам ҳовлисида исломни қабул қилган Умар ибн-ул-Ҳаттоб 40-мусулмон бўлган киши ҳисобланади. Ислом тарихида дастлаб исломни қабул қилган 40-45 кишилар обрў-эътиборли бўлиб, улар орасидан кейинчалик Абу Бакр, Умар, Али, Жаъфар каби улуғ кишилар етишиб чиққанлар.
Дастлабки мусулмонларни «мўминлар жамоаси» деб аташган
Муҳаммад пайғамбар тарғиботида одамларни якка худо Аллоҳга иймон келтиришга даъват этади. Якка худога иймон моҳияти Иброҳим пайғамбар эътиқодини тиклаш, одамларни ҳалолликка, бировнинг ҳаққига хиёнат қилмасликка чақириш мазмунида талқин этилади