Bioorganik kimyo

БИРИНЧИ ЁРДАМ КЎРСАТИШ

1 Агар терига концентрланган бирор бир кислота сачраса, дарҳол у ерни кўп миқдордаги сув билан ювиб, жароҳатланган жойга эса калий перманганатнинг 3% ли эритмаси шимдирилган пахта қўйилиши зарур;

2 Агар терига ишқор сачраган бўлса, ўша жой аввал сув билан яхшилаб ювилади, сўнгра эса калий перманганатнинг 3% ли эритмаси ёки танниннинг спиртли эритмаси шимдирилган пахта қўйиб боғлаш лозим;

3 Агар кўзга кислота ёки ишқор сачраган бўлса, кўзни яхшилаб сув билан ювиш, сўнгра эса дарҳол шифокорга мурожат қилиш керак;

4 Агар терига иссиқ буюм, масалан иссиқ шиша, иссиқ металл тегиб куйдирса, куйган жойни калий перманганатнинг 3% ли эритмаси ёки танниннинг спиртдаги эритмаси билан ювиб, сўнгра мазь суркаш зарур;

5 Фосфор таъсиридан куйганда ўша жойга мис (II) сульфатнинг 2% ли эритмаси билан ҳўлланган пахта қўйиб боғлаш керак.

6 Хлор, бром, водород сульфид ва ис гази билан заҳарланган беморни дарҳол очиқ ҳавога чиқариб, шифокорга мурожаат қилиш керак.

7 Реактивлар билан киши организми оғиз орқали заҳарланса, кўп сув ичиши лозим. Металларнинг тузлари билан заҳарланганда сутли маҳсулотлар ичиш ёки тухум ютиш керак. Йод таъсирида заҳарланганда чой, кофе ёки сода эритмаси, ишқор билан заҳарланганда сирка ёки лимон кислотанинг 2% ли эритмасидан бир стакан, кислоталардан заҳарланганда 2% ли сода эритмасидан бир стакан ичиш керак;

8 Куйганда ва заҳарланганда ҳамма вақт зарар кўрган кишига биринчи ёрдам берилгач, дарҳол тиббий муассасаларига мурожаат қилиш лозим.