Бирлашган Миллатлар Ташкилотининг Халқаро товарлар олди-сотдиси шартномалари тўғрисидаги

II-БОБ. СОТУВЧИНИНГ МАЖБУРИЯТЛАРИ
30-модда

Сотувчи товарни шартнома ва мазкур Конвенциянинг талабларига мувофиқ етказиб бериши, унга тегишли бўлган ҳужжатларни топшириши ва товарга бўлган эгалик ҳуқуқини топшириши шарт.

I-бўлим. Товарни етказиб бериш ва ҳужжатларни топшириш
(31-44-моддалар)
II-бўлим. Товар мувофиқлиги ва учинчи шахсларнинг ҳууқлари
( 35-44-модда)
III-бўлим. Сотувчи томонидан шартнома бузилган тақдирда ҳуқуқий ҳимоя воситалари (45-52-моддалар)


I-бўлим. Товарни етказиб бериш ва ҳужжатларни топшириш


31-модда

Агар сотувчи бирор-бир бошқа маълум жойга етказиб беришга мажбур бўлмаса, унинг етказиб бериш бўйича мажбурияти қуйидагилардан иборат бўлади:

а) агар олди-сотди шартномаси товар ташилишини харидорга бериш учун товарни биринчи ўтказувчига топширишни кўзда тутса;
б) агар аввалги кичик банд таъсирига тушмайдиган ҳолларда шартнома ўзига хос белгилар билан белгиланган товар ёки маълум запаслардан олинган ёҳуд ишлаб чиқарилган ёки ясалган ноиндивидуал товарга тааллуқли бўлса , ва тарафлар маълум жойда бўлиши ёки ишлаб чиқарилганлигини шартномани тузиш вақтида билса, - товарни шу жойда сотиб олувчининг ихтиёрига тақдим қилиш;
с) бошқа ҳолларда – шартномани тузиш вақтида сотувчининг тижорат корхонаси жойлашган жойда товарни сотиб олувчининг ихтиёрига тақдим қилишда.
32-модда
1) Агар сотувчи шартнома ёки мазкур Конвенцияга мувофиқ товарни ташувчига бериб юборса ёки товар маркировка йўли билан, ортиб жўнатиш ҳужжатлари воситасида ёки бошқача тарзда шартнома мақсадлари учун идентификацияланмаган бўлса, сотувчи сотиб олувчига товарни кўрсатган ҳолда жўнатиш ҳақидаги хабарномани бериши керак.

2) Агар сотувчи товар ўтказилишини таъминлаши шарт бўлса, у транспортда ташишнинг ушбу ҳолатларда лозим бўлган усуллари билан ва транспортда ташиш учун одатий бўлган шартларда товарни белгиланган жойга ташиш учун зарур бўлган шартномаларни тузиши лозим.

3) Агар сотувчи товарни ташишда уни суғурталашга мажбур бўлмаса, у сотиб олувчининг илтимосига кўра сотиб олувчи томонидан шундай суғурталашни амалга ошириш учун зарур бўлган барча мавжуд маълумотларни унга тақдим қилиши лозим.

33-модда

Сотувчи товарни қуйидаги ҳолларда етказиб бериши лозим:

а) агар шартнома етказиб бериш санасини ўрнатса ёки аниқлашга имкон берса – шу санада;

b) агар шартнома етказиб бериш учун вақт даврини ўрнатса ёки аниқлашга имкон берса – ушбу давр чегарасида ҳар қандай вақтда, модомики вазиятлардан етказиб бериш санаси сотиб олувчи томонидан тайинланиши келиб чиқмайди; ёки
с) ҳар қандай бошқа ҳолда – шартнома тузилгандан сўнг маъқул муддатда.
34-модда

Агар сотувчи товарга тааллуқли бўлган ҳужжатларни бериб юбориши шарт бўлса, бу ишни у шартнома бўйича талаб қилинган муддат, жой ва шаклда қилиши лозим. Агар сотувчи ҳужжатларни кўрсатилган муддатдан олдинроқ бериб юборган бўлса, у томондан ушбу ҳуқуқнинг амалга оширилиши сотиб олувчига номаъқул ноқулайликлар ёки номаъқул харажатларни етказмаслик шарти билан ушбу муддат тугагунга қадар ҳужжатлардаги ҳар қандай номувофиқликни бартараф қилиши мумкин. Бироқ, сотиб олувчи мазкур Конвенцияга мувофиқ зарарларни қоплашни талаб қилиш ҳуқуқини сақлаб қолади.