Boburxon Yunusaliyevning " Maktabning 5-9- sinflarda ingliz tili fanini o’qitilishi"

Cho’tpolatova Yulduz 4 yil ish faoliyatiga ega, haftasiga 12 soat boshlang’ich sinflarda, 6 soat yuqori sinflarda ingliz tilidan saboq berib kelmoqda. Darslari kuzatilganda o’quvchilarga nisbatan muomalasi yaxshi ekanligi, darslariga mas’uliyat bilan yondashishi va qiziqarli tashkillashi aniqlangan. Darslarni ko’rgazmali jonli o’tishga harakat qiladi, ko’proq o’yinlar tashkil qiladi. Tarqatma rangli rasmlarga qarab gap tuzish, matn yaratish – og’zaki nutqni o’stirishga e’tibor qaratadi. Kuzatishlar davomida mavzuda berilgan topshiriqlar bajarilishida, guruhlar bilan ishlashda hamda o’tilgan mavzuni mustahkamlshda kamchiliklar topilgan.
Darslari samarali va qiziqarli chiqishi uchun Y.Cho’tpo’latovaga - mavzuni vaqt bo’yicha to’g’ri taqsimot qilish, AKT vostalaridan samarali foydalanish, yosh bolalarni ingliz tilidagi interfaol o’yinlarga yanada ko’proq jalb qilishi taklifi berildi.
Karimova Shaxnoza 3 yil ish faoliyatiga ega, haftasiga 24 soat yuqori sinflarda ingliz tilidan saboq berib kelmoqda. Sh.Karimova talabchan, o’z uslubiga va kuchli bilim salohiyatiga ega bo’lganligi uchun darslarini ham qiziqarli va mazmunli tashkillaydi. O’quvchilarning so’z boyliga qattiq e’tibor beradi, og’zaki nutqlari ustida ham alohida ish olib boradi, o’quvchilarni dars davomida sof ingliz tilidagi multfilmlar, turli xil hujjatli filmlar bilan tanishtirishga harakat qiladi. Bundan tashqari Sh.Karimova darslari kuzatilganda o’zbek tilidan ko’p foydalanishi, topshiriqlarni to’g’ri taqsimlashda va o’quvchilarni rag’batlantirishda kamchiliklar aniqlangan.
Darslari samarali va qiziqarli chiqishi uchun – vazifalarni tekshirishda talabchanroq bo’lishi, past o’zlashtiruvchi o’quvchilar bilan ham ko’proq ishlashi, rag’batlantirishda noan’anaviy usullardan keng foydalanishi taklifi berilgan.
Yunusaliev Bobur 2 yil ish faoliyatiga ega, haftasiga 24 soat yuqori sinflarda ingliz tilidan saboq berib kelmoqda. Darslari kuzatilganda o’quvchilarni darsga qiziqtira olishi, ko’rgazmalardan, tarqatma materilalardan foydalanishi, darslarida ingliz tilida so’zlashish muhitini yarata olishi, o’quvchilar bilan ingliz tilida muloqot qila olishi, dars davomoda o’quvchilar bilimini mustahkamlashda aqlni charxlovchi interfaol o’yinlardan samarali foydalanishi aniqlangan. Shu bilan birga mashg’ulotlar davomida sinfni guruhlarga bo’lib o’tishda, doskadan to’g’ri foydalanishda, past o’zlashtiruvchi o’quvchilar bilan ishlashda kamchiliklarga yo’l qo’ygan.
Darslari samarali va qiziqarli chiqishi uchun bu o’qituvchiga o’z ustida ko’proq ishlashi, yangiliklar izlanishi kerakligi, darsda AKT va multimedia vositalaridan foydalanishi, o’quvchilarning husnixatiga e’tiborli bo’lishi, ustoz o’qituvchilardan metodlar va pedagogik mahorat o’rganishi kerakligi taklifi berildi.