Boburxon Yunusaliyevning " Maktabning 5-9- sinflarda ingliz tili fanini o’qitilishi"

Rahmataliyeva Ruxsora 2021-yil sentyabr oyidan ish faoliyatini boshlagan, haftasiga 9 soat yuqori sinflarda ingliz tilidan saboq berib kelmoqda. Darslari kuzatilganda ko’rgazmali qurollardan, tarqatma materilalardan foydalanishi, dars davomida o’quvchilar bilimini rivojlantirishda qiziqarli o’yinlardan samarali foydalanishi, shu bilan birgalikda barcha o’quvchilarni birday darsda faol bo’lishini ta’minlay olmaganligi, past o’zlashtiruvchi o’quvchilar bilan kam shug’ullanganligi va dars davomida mavzudagi topshiriqlar olib borilishida kamchiliklar aniqlangan.
Darslari samarali va qiziqarli chiqishi uchun R.Rahmataliyevaga o’z ustida ko’proq ishlashi kerakligi, darsda AKT va multimedia vositalaridan foydalanishi, o’quvchilarning diqqatini darsga jalb qilishga e’tiborli bo’lishi, ustoz o’qituvchilardan turli metodlar va pedagogik texnalogiyalar o’rganishi kerakligi taklifi berildi.
Bo’riyev Umarali 2021-yil okyabr oyidan ish faoliyatini boshlagan, haftasiga 12 soat yuqori sinflarda ingliz tilidan saboq berib kelmoqda. Darslari kuzatilganda mavzuni turli xil texnologiyalardan foydalanib samarali olib borishi, dars davomida o’quvchilar bilimini oshirishda grammatik topshiriqlardan samarali foydalanishi kuzatilgan. Shu bilan birgalikda o’quvchilarni tartib-intizomli bo’lishini ta’minlay olmaganligi, o’quvchilar e’tiborini darsga jalb qilishda va mavzudagi topshiriqlar bajarilishi yuzasidan kamchiliklar aniqlangan.
Darslari samarali va qiziqarli chiqishi uchun U.Bo’riyevga ustoz o’qituvchilardan turli metodlar va pedagogik texnalogiyalar o’rganishi kerakligi, darsda AKT va multimedia vositalaridan samarali foydalanishi, o’quvchilarning diqqatini darsga jalb qilishga e’tiborli bo’lishi taklifi berildi.
Barcha Ingliz tili o’qituvchilari “Magic English”, “I like English”, “Funny English” va “Young Leaders” kabi fan to’garaklari tashkil etib, darslardan keyin bolalarni bo’sh vaqtlarini unumli o’tkazishga jalb qilishmoqda.

O’qituvchilarimiz shu yil oxirigacha milliy CEFR sertifikatini qo’lga kiritishni rejallashtirib, harakat qilmoqdalar. Makatbimizning 3 nafar a’lochi o’quvchilari: Akramov Shoxruxbek, Axmadjonova Dilxumor, Qosimova Nodiralar xalqaro IELTS sertifikatini B2 darajada qo’lga kiritgan.

Ingliz tili fani o’qituvchilari pedagogik kengashdan yuqorida keltirilgan ma’lumotlarga tayanib maktabda 5-9-sinflarda ingliz tili o’qitilish holatini yaxshilash va ta’lim sifatini oshirish, darslarda sof ingliz tili muhitini hosil qilish maqsadida Ingliz tili xonalarini lingafon, proyektor kabi AKT va multimedia vositalari bilan ta’minlashni pedagogik kengash qaroriga kiritishni so’rab qoladi.