D. B. Yusupov 2021 yil

2. Kurs loyihasida ko‘rilayotgan masalaning maqsadi va vazifalari
Kurs loyihasining maqsadi yorug’lik bilan sinxronizm sharti bajarilishini ta’minlaydigan qurilmalar, nazariy va laboratoriya mashg‘ulotlarida egallagan bilimlarni qo‘llash bo‘yicha amaliy ko‘nikmalar hosil qilish, nochiziqli kristallar va ularni ishlab chiqarish jarayonlarining barcha bosqichlarini o‘zida jamlagan texnologiyalarni o‘rganib chiqish hamda ularning sifat ko‘rsatkichlarini aniqlashdan iborat. Kurs loyihasini bajarish davomida ishlab chiqarish korxonalarida, sanoat korxonalarida, ilmiy tadqiqot ishlarida ishlatiladigan nochiziqli sindirish ko’rsatkichining fizikaviy, mexanikaviy, issiqlik, kimyoviy va optik xususiyatlari, ularni ishlab chiqarish texnologiyasida qo‘llaniladigan optik detallarning sifat ko‘rsatkichlarini aniqlash, ularning ishtirokidagi qurilmalarni yig‘ish bo‘yicha loyihalar tuzish, ular yordamida sinov tajribalarini o‘tkazish va ishlab chiqarishga tavsiya etish bo‘yicha ko‘nikmalarni hosil qilish.

Kurs loyihasining vazifasi yorug’lik nurining nochiziqli muhitda tarqalishida sinxronizm sharti bajarilishini ta’minlash bilan bog’liq bo’lgan masalalarni hal etishga mo‘ljallangan bo‘lib, nochiziqli optika qurilmalarini yig’ishda o‘lchash vositalarini to‘g‘ri tanlash, bu qurilma elementlarining sifat ko‘rsatkichlarini aniqlash, nochiziqli kristallar sifatini baholashda va uni rasmiylashtirishda kompyuter va zamonaviy texnologiyalardan foydalana olishni o‘rganish.