Dori vositalari tahlilida fotometrik usulini qo’llash reja

DORI VOSITALARI TAHLILIDA FOTOMETRIK USULINI QO’LLASH

REJA :

1. KIRISH

1.1 Fotometriyaning nazariy asoslari.

2. ASOSIY QISM

2.1Buger-Lambert Ber qonuni

2.2 Fotometriya usulining qo’llanish doirasi va afzalliklari.

III. TAJRIBA QISM

3.1 Optik zichlikni additivlik qonuni

IV. XULOSA

V.FOYDALANILGAN ADABIYOTLAR

KIRISH

Fotometrik usullarga tekshiriluvchi eritma tomonidan nurning yutilishiga — absorbsiyasiga asoslangan fotoelektrokolorimetrik va spektrofotometrik usullar kiradi. Bu usullar elektromagnit nurlanishning tanlab yutilishiga asoslangan bo‘lib, bunda molekuladagi yoki iondagi elektronlar holati asosiy ahamiyat kasb etadi.

Har qanday modda tebranish soni (chastotasi) ma‘lum bir qiymatga ega bo‘lgan elektromagnit nurni yutadi. Elektromagnit nurlanish to‘lqin va korpuskular xossalarga ega bo‘lib, rurlanish va yutilish jarayonlari kvantlar tarzida amalga oshadi:

ΔE — nurlanish energiyasining yutilish jarayonidagi o‘zgarishi;

h — Plank doimiysi (6,5- 10^-27 erg/s);

v — tebranish soni (chastota);

c — nurning bo‘shliqdagi tezligi (3*10ⁱⁿ sm/s);

λ —to‘lqin uzunligi.

Tebranish soni gerslar bilan, to‘lqin uzunligi esa sm, mkm (10^-6m), nm (10^-9m) va angestremlar (1A = 10^-10m) bilan ifodalanadi.

Ba‘zan nurlanish to‘lqin soni bilan ham tavsiflanadi v' nurning 1 sm iga to‘g‘ri kelgan to‘lqin soni bo‘lib, sm^-1 larda ifodalanadi. Monoxromatik nurning modda tomonidan yutilish intensivligini nur yutilishining birlashgan qonuni — Buger-Lambert-Ber qonuni orqali tushuntiriladi.