Elektronika va avtomatika fakulteti «oliy matematika» kafedrasi «fanlar integratsiyasini ta

XULOSALAR

O‘tkazilgan nazariy-amaliy tajriba-sinov tadqiqotlari shuni ko‘rsatdiki, muhandisning tabiiy-ilmiy va matematik, umumkasbiy hamda ixtisoslik fanlar tayyorgarligiga turli metod, shakl va vositalar kombinatsiyasi orqali majmuaviy yondoshish ishlab chiqarish amaliyotiga bog‘liq yo‘nalishni amalga oshirishga yordam beradi, ixtisoslik bo‘yicha tayyorgarlik sifatini yaxshilaydi.
Tadqiqot olib borish jarayonida barcha qo‘yilgan vazifalar hal qilindi, quyidagi natija va xulosalarga kelindi:

1. 
   Mamlakatimiz ta’limini rivojlantirishning barcha bosqichlarida tabiiy-ilmiy, matematik, umumkasbiy hamda ixtisoslik fanlarini o‘qitishning ishlab chiqarish amaliyoti bog‘lab o‘qitish muammosi qo‘yiladi. Hozirgi vaqtda talabalarning muhandislik tayyorgarligini ishlab chiqarish amaliyoti bilan bog‘lab o‘qitishni amalga oshirish zarurati davlat va jamiyat darajasida belgilangan. Texnika ixtisosliklari bo‘yicha mutaxassilarni tayyorlash - oliy ta’lim muassasalari o‘z bitiruvchilariga qo‘yadigan malaka talablarda belgilanadi.
   
2. 
   Auditoriya (ma’ruza, amaliy mashg‘ulotlar, laboratoriya va kurs ishlari) va auditoriyadan tashqari (masofaviy konsultatsiyalar, masofaviy olimpiada, masofaviy davra stollari va shu kabilar) mashg‘ulot shakllari aniqlandi, unda ishlab chiqarish amaliyoti bilan bog‘liq mashg‘ulotlarning ayrim turlaridan foydalanish maqsadga muvofiqligi ko‘rsatib berildi.
   
3. 
   Ishlab chiqarish amaliyoti bilan bog‘liq mavjud masalalar klassifikatsiyasi tahlil qilinib, bunday masalalarning didaktik funksiyalarga bog‘liqligi tasniflariga aniqliklar kiritildi.
   
4. 
   Ishlab chiqarish amaliyoti bilan bog‘liq masalalar tasnifi asosida muhandisni tayyorlashga qo‘yiladigan talablar, amaliy masalalar tasnifi aniqlanib, kasbiy ko‘nikma va mahoratni shakllantirishga hissa qo‘shadigan amaliy masalalarni hal qilishning ba’zi bosqichlariga: sxema chizmasini bajarish, natijani bashorat qilish, javobni tahlil qilish, yechimni umumlashtirishga alohida e’tibor qaratish lozimligi qayd etildi; muhandislik tayyorlovchi oliy ta’lim muassasasining o‘quv jarayonida ularni muntazam ravishda ishlatish maqsadida ishlab chiqarish amaliyoti bilan bog‘liq muammolarni izlash, tanlash va to‘plash ishlari olib borildi.
   

5. Bo‘lg‘usi muhandisning ishlab chiqarish amaliyoti kasbiy tayyorgarligiga majmuaviy yondashuv muammoli-izlanishli metod, auditoriya va auditoriyadan tashqari mashg‘ulotlarni turli shakllari hamda turli vazifalar tizimini taklif etish yordamida amalga oshirildi; auditoriya mashg‘ulotlarini tashkil etish va o‘tkazish metodikasi, shuningdek, auditoriyadan tashqari ishlarni tanlash, masofaviy olimpiada, masofaviy davra suhbatlari mavzular rejasi ishlab chiqil va amalga oshirildi.