Erkin iqtisodiy zona direktsiyasi davlat unitar korxonasi

Direktor T.Ortiqov


O’zbekiston Respublikasi
Bojxona qo’mitasiga


Nusxa: “Toshkent-Tovar”
TIF bojxona postiga

Sizga ma’lumki, O`zbekiston Respublikasi Prezidentining 2017-yil 3-maydagi PF-5032 sonli farmoni ijrosini ta`minlash maqsadida Toshkent viloyati Parkent tumanida “Parkent-farm” erkin iqtisodiy zonasi (keyingi o’rinlarda EIZ deb yuritiladi) tashkil etilgan.

“Parkent-farm” EIZ hududida hozirgi kunda 7 ta investitsiya loyihasi amalga oshirilmoqda.
O`zbekiston Respublikasining 2020-yil 17-fevraldagi 604-sonli Qonunining 10-bob, 39-moddasi 2-bandiga asosan “Maxsus iqtisodiy zonalar ishtirokchilari quyidagilarni to’lashdan ozod etiladi:
-Respublikada ishlab chiqarilmaydigan va investisiya bitimiga muvofiq investisiya loyihasini amalga oshirish uchun qurilish davrida belgilangan tartibda olib kirilgan qurilish materiallari uchun bojxona to'lovlarini (bundan qo'shimcha qiymat solig'i va bojxona rasmiylashtiruvi uchun yig'imlar mustasno);
-tasdiqlangan ro'yxat bo'yicha texnologik uskunalarning o'xshashi O'zbekiston Respublikasida ishlab chiqarilmaydiganini olib kirishda bojxona to'lovlarini (bundan bojxona rasmiylashtiruvi uchun yig'imlar mustasno);
-Maxsus iqtisodiy zonalar ishtirokchilari tomonidan ishlab chiqarish va mahsulotlarni eksportga realizasiya qilish uchun foydalanadigan xom ashyo, materiallar va butlovchi qismlar O'zbekiston Respublikasi hududiga olib kirilganda bojxona to'lovlari (bundan bojxona rasmiylashtiruvi uchun yig'imlar mustasno) to'lanmaydi” deb belgilab o’tilgan.
Shuningdek, O'zbekiston Respublikasi Prezidentining 2022-yil 22-yanvardagi PF-55 sonli farmoni 5-bandi “Farmasevtika mahsulotlari ishlab chiqaruvchilari, farmasevtika mahsulotlarining ulgurji savdosi bilan shug'ullanuvchi korxonalar, ixtisoslashgan ilmiy-tadqiqot institutlari va oliy ta'lim muassasalari tomonidan o'z ehtiyojlari uchun olib kelinadigan hamda farmasevtika mahsulotlarining ulgurji va chakana savdosi bilan shug'ullanuvchi korxonalar tomonidan dorixona ichida dori tayyorlash maqsadida olib kiriladigan, O'zbekiston Respublikasida ishlab chiqarilmaydigan texnologik va laboratoriya uskunalari, ularning butlovchi va ehtiyot qismlari, farmasevtika ishlab chiqarish binolari uchun «toza xonalar», sendvich-panellar va ventilyasiya tizimlari, shuningdek, laboratoriya hayvonlarini boqish, klinik-oldi tadqiqotlar va dori vositalari ishlab chiqarish (shu jumladan dorixona ichida tayyorlash) uchun ishlatiladigan xomashyo va materiallar, tibbiyot buyumlari va qadoqlash materiallari Vazirlar Mahkamasi tomonidan tasdiqlanadigan ro'yxatlar bo'yicha 2025 yil 1 yanvarga qadar bojxona bojlaridan ozod qilinsin” deb belgilangan.
Yuqoridagilarni inobatga olib “Parkent-farm” erkin iqtisodiy zonasi direktsiyasi rahbariyati Sizdan, “Parkent–farm” EIZning ishtirokchi korxonasi bo’lgan “Magnit grand farm” MCHJ tomonidan investitsiya loyihasini ishga tushirilishini jadallashtirish, ishlab chiqarishni to’liq va sifatli amalga oshirish maqsadida “Toshkent-Tovar” TIF bojxona postida saqlanayotgan “Toza xonalar”, sendvich panellarni qonuniy me’yorlardan kelib chiqib bojxona bojidan ozod qilinishida amaliy yordam berishingizni so’raydi.