Farmasevtikada boshqaruv fanidan o‘quv-uslubiy majmua

2.22-AMALIY MASHG`ULOT
O‘zbekiston Respublikasida farmasevtika bozor infratuzilmasi, uning shakllanishi va o‘ziga xos xususiyatlari


Ishdan maqsad: Talabalarni farmasevtika bozori, uning infratuzilmasi, hamda farmasevtik bozor infratuzilmasining asosiy tarkibiy qismlari tushunchasi bilan tanishtirish.
Masalaning qo‘yilishi: Farmasevtik menejment fanini o‘qitishda “Tezkor-so‘rov” ta’lim texnologiyalaridan foydalanilishi lozim.


Ishni bajarish uchun namuna
Talabalar e’tiborini jalb etish va bilim darajalarini aniqlash uchun tezkor savol-javob o‘tkaziladi.


Tezkor-so‘rov uchun savollar

“Bozor” iqtisodiy kategoriyasining mohiyati. “Farmasevtika bozori” tushunchasi. Farmasevtik bozor sub’ektlari. “Bozor infratuzilmasi” tushunchasi. Farmasevtika bozorining infratuzilmasi va uning asosiy elementlari. Yangi farmasevtik mahsulotlarni yaratuvchi tashkilotlar. Farmasevtik ishlab chiqarish tizimi. Farmasevtika distribyusiyasi. Dori vositalari va tibbiyot buyumlarining chakana savdosi.

“Bozor” iqtisodiy kategoriyasining mohiyati. Bozor deganda tovarlarni ayriboshlash, sotish va shu tovarlarni jamiyat tomonidan tan olinish soxasidagi ijtimoiy-iktisodiy munosabatlar tizimi tushuniladi. Bozor-bu nafaqat oldi-sotdi bo‘ladigan joy, balki sotuvchi (ishlab chiqaruvchi) va sotib oluvchi (iste’molchi) o‘rtasidagi munosabatlar tizimidir.

“Farmasevtika bozori” tushunchasi. Farmasevtika bozorini farmasevtik yordamga bo‘lgan extiyojini qondirish uchun amaldagi va bo‘lishi mumkin bo‘lgan farmasevtik maxsulot iste’molchilarining majmui xamda tovarlar va xizmatlar majmui sifatida kurib chiqish mumkin.