Furqat indd

Yusupov FURQAT
HAJVIYALAR
HAKAM
Akbar aeroportga kech qolmaslik maqsadida avtobusga chiq-
di. Yozning issig‘ida avtobus yo‘lovchilar bilan to‘lib-toshgan payt. 
Akbar bexosdan ayolning oyog‘ini bosib oldi. U birdan avtobusni 
“boshiga ko‘tardi”. 
– Hey, ko‘zingga qarasang o‘lasanmi?
– Uzr opa, bilmay bosib oldim...
– Bilmaganmish, baloning barini bilasan, taqirbosh. Kuppa-kun-
duzi tegajog‘lik qilishini qarang bu yaramasni. Yo‘q, sen ataylab bos-
ding. Nega shuncha odam turganda, kelib-kelib menikini bosasan. 
Qoshlaringga bit tushgur, oyoq-qo‘llaring singur... 
Ayol tinmay javradi. Akbar esa bu gaplarga parvo ham qilmadi. 
Do‘mboq xonim shuncha qarg‘ishidan so‘ng ham Akbarning par-
voyi palak bo‘lib turganini ko‘rib yana qizishdi: 
– Huv kalbosh. Senga gap ta’sir qiladimi o‘zi. Shuncha haqorat 
qilyapman-u, sen bo‘lsang “Menga gapiryapsanmi yo itgami?” de-
gandek jim turibsan... 
– Opa, men hakamman. Muxlislarning haqoratlari yonida sizning 
gaplaringiz menga maqtovdek tuyulyapti... 
* * *
Akbar aeroportdan to‘g‘ri stadionga yo‘l oldi. Axir bugun tur-
ning markaziy bahsi – “Navbahor” va “Neftchi” jamolari o‘rtasidagi 

---

11
FUTBOL FALSAFASI
uchrashuvni boshqarishi kerak-da. Qattiq hayajonlandi. Sababi od-
diy – “Vodiy derbisi”da muxlislar stadionni to‘ldirishadi. Akbar sta-
dionga tushar ekan, o‘zini xuddi do‘zax qopqasi oldida turgandek 
his qilardi. Boshida hakamning uchrashuvni odil boshqarib borish-
ga harakat qilayotgani sezilib turdi. Muxlislar ham unga ortiqcha 
e’tiroz bildirishmadi. Xullas,, birinchi bo‘lim nihoyasiga yetdi. Ho-
zircha hammasi joyida. 
Ikkinchi bo‘limni boshlashdan oldin “Ey Xudo, o‘zing madad 
ber” deya iltijo qilib ham oldi. Hozircha hammasi yaxshi ketmoq-
da. Uchrashuvning so‘nggi daqiqalarida mehmonlar “Navbahor” 
darvozasini aniq nishonga olishdi. Gol muallifi Xudoyor Odilov bu 
vaziyatda yaqqol o‘yindan tashqari holatda edi. Afsuski, stadionga 
tushgan 40 mingdan ortiq muxlis ko‘rgan vaziyatni na qanot haka-
mi, na bosh hakam ko‘rdi. Nohaq urilgan gol muxlislarni naqadar 
g‘azablantirganini ko‘rgach, hakam “qovun tushirib qo‘ygani”ni 
sezdi. Ammo o‘z xatosini tuzatishga kech edi. Uchrashuv 0:1 hiso-
bida mehmonlar foydasiga hal bo‘ldi. G‘azab otiga mingan muxlis-
lar aybdor hakamni boplab ta’zirini berish maqsadida stadionning 
barcha chiqish yo‘lakchalarini band etib, kutib turishgandi. Bu vazi-
yatdan chiqib ketish uchun hakamga militsiya xodimlari yordam 
berishdi. Ular o‘z burchlarini ado etish yo‘lida hakamni stadionning 
yashirin chiqish eshigidan eson-omon olib chiqishdi. “Do‘zax qopqa-
sidan” sog‘ chiqqaniga quvongan Akbar “qalpog‘ini osmonga otib”, 
militsiya xodimlariga minnatdorchilik bildira boshladi: 
– Katta rahmat. Bilmadim, sizlar bo‘lmaganingizda holim ne ke
-
chardi?
– Hechqisi yo‘q, bezovta bo‘lmang. Ko‘zi ojizlarga yordam berish 
– har birimizning burchimiz... 

---

12