География ва табиий ресурслар факультети

Илмий амалиёт ўташ жойини танлаш

Мирзо Улуғбек номидаги Ўзбекистон Миллий университетининг 04.02.2022 йилдаги 03-179 сонли буйруғига асосан, мен 2022-йил 7-февралдан 21-майгача Ўзбекистон Республикаси Иқтисодий тараққиёт ва камбағалликни қисқартириш вазирлиги ҳузуридаги Прогнозлаштириш ва Макроиқтисодий тадқиқотлар институти (ПМТИ)да илмий амалиёт (стажировака) ўтадим. У ерда менга Инсон капиталини ривожлантириш ва ижтимоий табақалашув масалалари бўйича лойиҳанинг “Аҳоли турмуши ва камбағалликни ўрганиш бўйича социологик сўровномалар ўтказиш” гуруҳи раҳбари - А .Шоазизов раҳбарлик қилди (буйруқлар илова қилинади).
Илмий амалиёт даврида, Ўзбекистон Республикаси Иқтисодий тараққиёт ва камбағалликни қисқартириш вазирлиги ҳузуридаги ПМТИнинг кутубхонаси фонди материаллари билан танишдим. Шунингдек, диссертация ишимга таалуқли бўлган маълумотларни тўпладим, илмий адабиётлар билан танишдим. Ушбу тўпланган маълумотларнинг таҳлили асосида илмий амалиёт ҳисоботини тайёрладим.

5. 
   Илмий амалиётни ўташ босқичлари
   

Илмий амалиётни ўтишда дастлаб, Ўзбекистон Республикаси Иқтисодий тараққиёт ва камбағалликни қисқартириш вазирлиги ҳузуридаги ПМТИ томонидан жорий 2022-йилнинг 9-феврал куни, 7-февралдан 21-майгача бўлган муддатда стажировка ўташга рухсат берилганлиги ҳақида _________ сонли буйруғи чиқарилди (буйруқ илова қилинади).
Ушбу буйруққа асосан, стажировка базаси этиб ПМТИ нинг Инсон капиталини ривожлантириш ва ижтимоий табақалашув масалалари бўйича лойиҳанинг “Аҳоли турмуши ва камбағалликни ўрганиш бўйича социологик сўровномалар ўтказиш” гуруҳи аъзолари билан ишлаш белгиланди. Юқорида таъкидлаб ўтганимдек, Ўзбекистон Республикаси Иқтисодий тараққиёт ва камбағалликни қисқартириш вазирлиги ҳузуридаги ПМТИ томонидан менга стажировка раҳбари этиб Аҳоли турмуши ва камбағалликни ўрганиш бўйича социологик сўровномалар ўтказиш гуруҳи аьзоси А. Шоазизов тайинланди.