Глоссарий электр техник пўлат пластинкалар

ГЛОССАРИЙ


Электр техник пўлат пластинкалар деб электр машинаси магнит ўзагини ҳосил қилувчи махсус таркибда тайёрланган, жўваланган (прокат) пўлат туникачаларга айтилади;
Оксид плёнкалар - электротехник пўлат пластинканинг қиздирилиб сўнгра совитилиши натижасида пластинка юзасида ҳосил бўладиган электр изоляцион қатламга айтилади;
Турли хил лаклар - пўлат пластинкалар орасиги электр изоляциясини қоплаш учун хизмат қиладиган лаклар;
Термосифон фильтр – трансформатордаги совутувчи мой таркибини тозалайдиган фильтр;
Радиатор – трансформаторнинг совитиш юзасини оширувчи ускуна;
Ярмо балкаси - магнит ўтказгичи махкамланадиган балка;
Трансформациялаш коэффициенти - бирламчи чулғам электр юригувчи кучини иккиламчи чулғам электр юритувчи кучига нисбати;
Келтирилган трансформатор - иккиламчи чулғам параметрларини бирламчи чулғам ўрамлар сонига келтириш;
Эквивалент схема - ҳакикий электр схема ўрнига бошқа олинган, соддалаштириш натижасида идеаллаштирилган схема;
Қисқа туташиш кучланиши – қисқа туташув тажрибасида, чулғам токининг қиймати номинал токка тенг бўлгунгача пасайтирилган чулғам кучланишига айтилади;
Қисқа туташув - трансформатор бирламчи чулғами манбага уланиб, иккиламчи чулғам қисқа туташган ҳолатга айтилади;
Кувват коэффициенти - актив қувватни тўла қувватга нисбати;
Юкланиш режими - трансформаторнинг бирламчи чулғами манбага уланиб иккиламчи чулғамни истемолчига уланган холатга айтилади;
Фойдали иш коэффициенти – трансформаторнинг иккиламчи чулғамидаги актив қувватни бирламчи чулғамдаги актив қувватга нисбатига айтилади;
Ташқи тавсиф - иккиламчи чулғамдаги кучланишнинг шу чулғамдаги юкланиш токига боғлиқлигига айтилади;
Турбогенератор - иссиқлик электр станциясида бут турбина воситасида олинган механик энергияни электр энергиясига ўзгартирувчи электр машинасига айтилади;
Синхрон машина – ротори қўзғатиш чулғамининг ўзгармас ток воситасида ҳосил қилган айланувчи магнит майдони частотаси статори чулғамидаги ўзгарувчан ток ҳосил қилган айланувчан магнит майдон частотасига тенг бўлган ўзгарувчан ток машинасига айтилади;
Гидрогенератор - гидроэлектр станциясида сув турбинаси воситасида олинган механик энергияни электр энергиясига ўзгартирувчи электр машинасига айтилади;
Статор – ўзгувчан ток машинасининг қўзғалмас қисмига айтилади;
Ротор - ўзгувчан ток машинасининг айланувчи қисмига айтилади;
Секция деб бир хил пазларда жойлашган ўрамлар кетма кет уланиб ҳосил бўлган чулғамнинг бир қисмига айтилади;
Секция гуруҳи деб қўшни пазларда жойлашган секциялар гуруҳининг кетма кет уланиб хосил қилган чулғамнинг бир қисмига айтилади;
Бир қатламли чулгам деб магнит ўзак бир пазида секциянинг фақат бир томони жойлашади чулғамга айтилади;
Икки қатламли чулгам деб магнит ўзак бир пазида бир секциянинг юқори қатлами ва бошқа секциянинг пастки қатлами устма уст жойлашадиган чулғамга айтилади;
Якор реакцияси деб статор магнит майдонининг асосий магнит майдонга таъсирига айтилади;
Сирпаниш деб статор магнит майдони ва ротор магнит майдони айланиш частоталари айирмасининг синхрон частотага нисбатига айтилади;
Алмаштириш схемаси деб электр жихатдан берилган машина схемасининг ўрнини боса оладиган эквивалент электр схемасига айтилади;
Ўта юкланиш қобилияти – асинхрон машиналарида максимал электр магнит моментининг номинал электр моментга нисбатига айтилади.