Хулосалар

в) Учқўрғон тумани бўйича:
Туман кенгаши ўз биносига эга эмас, кенгашда 9 та ходим ишласада атиги битта компьютер мавжуд. Кенгаш интернет тармоғига уланмаган, тумандаги 268 та (40 фоиз) фермер хўжаликлари билан Кенгаш ўртасида ўзаро ҳаморлик шартномалари тузилмаган. Тузилган ҳамкорлик шартномлари ҳам тўлиқ бажарилмасдан қолмоқда. Жорий йилнинг 1 май ҳолатига фермер хўжаликлари томонидан тузилган шартномаларга асосан 219 млн. сўмлик аъзолик маблағлардан, 206 млн. сўми ёки 94 фоизи тўланмаган. Натижада, Кенгашнинг ходимлардан иш ҳақидан қарздорлиги 19.7 млн. сўмни ташкил этмоқда.
Дастурга киритилган ҳар бир лойиҳа ташаббускори билан ҳамкорликда лойиҳаларни амалга ошириш бўйича тармоқ жадваллари ишлаб чиқилмаган, кўп тармоқли фермер хўжаликларини ривожлантириш дастурига киритилган лойиҳаларни бажарилиши халқ депутатлари туман Кенгашларининг сессияларида муҳокама қилиниб, тегишли чоралар кўрилмаган.
2018 йилда кўп тармоқли фермер хўжаликларини ривожлантириш Дастурига асосан Иссиқхона ташкил этиш бўйича 6 та, совуткичли омборхоналар ташкил этиш бўйича 2 та лойиҳаларни амалга ошириш режалаштирилган бўлсада, амалда улардан биронтасининг ҳам ижроси таъминланмаган.
Шунингдек, мевали дарахтлар кўчатини экиш муддати ўтиб бўлган бўлсада, 2018 йил учун мўлжалланган дастурга кўра интенсив боғ йўналиши бўйича 3 та (60 фоиз) лойиҳа бажарилмаган.
2018 йил учун мўлжалланган дастурга кўра сервис хизмат кўрсатиш йўналиши бўйича 34 та (43 фоиз) лойиҳани бажарилиши таъминланмаган.
Саноат маҳсулотлари ишлаб чиқаришни ташкил этиш бўйича 2 та лойиҳани амалга ошириш режалаштирилган бўлсада, амалда улардан биронтаси ҳам бажарилмаган.
2018 йилда кўп тармоқли фермер хўжаликларини ривожлантириш Дастурига асосан чорвачилик маҳсулотларни (гўшт ва сутни) қайта ишлаш бўйича жами 4 та лойиҳани ишга тушириш режалаштирилган бўлиб, амалда жорий йилнинг 1 май ҳолатига тасдиқланган лойиҳаларнинг биронтаси ҳам бажарилмаган.
2018 йилда кўп тармоқли фермер хўжаликларини ривожлантириш Дастурига асосан мева-сабзавот ва озиқ-овқат маҳсулотларини қайта ишлаш бўйича жами 2 та лойиҳани ишга тушириш режалаштирилган бўлиб, амалда жорий йилнинг 1 май ҳолатига мазкур лойиҳаларнинг биронтаси ҳам амалга оширилмаган.