Хулосалар

ҚАРОР ҚИЛАДИ:
1. Ўзбекистон фермер, деҳқон хўжаликлари ва томорқа ер эгалари кенгаши (Хаитов), Наманган вилояти ҳокимлиги (Бозоров), Наманган вилояти фермерлар Кенгаши (Хошимов), томонидан 2018 йил учун тасдиқланган кўп тармоқли фермер хўжаликларини ривожлантириш Дастурини бажарилиши ва унинг ва натижадорлигини таъминлаш бўйича амалга оширилган ишлари “қониқарсиз” эканлиги кўрсатиб ўтилсин.
2. Фермер хўжаликларини ривожлантириш, ер участкаларини оптималлаштириш ва сув ресурсларидан оқилона фойдаланиш ва кўп тармоқли фермер хўжаликларини ташкил этиш, ривожлантириш, тижорат кредитларини ўз вақтида ажратиш ҳамда ишларини тизимли ташкил этмаганлиги учун Наманган вилояти ҳокимининг иқтисодиёт ва ижтимоий ривожлантириш масалалари бўйича биринчи ўринбосари (Файзуллаев), Учқўрғон (Вахобов) ва Чортоқ (Хайдаров) туманлари ҳокимлари, вилоят Марказий банк ()ларга “ҳайфсан” эълон қилинсин.
3. Вилоят Марказий банк (Жўраев), “Микрокредитбанк” филиали (Олимов), Халқ банки филиали (Даминов), “Ўзмиллийбанк” бўлими (Дадабоев), “Агробанк” вилоят бошқармаси (Римжонов) раҳбарлари кўп тармоқли фермер хўжаликларини ташкил этиш Дастурларини бажарилишида йўл қўйган хато ва камчиликлари учун огоҳлантирилсин. Ушбу раҳбарлар жорий йилнинг биринчи ярим йил якуни бўйича фаолиятида ижобий ўзгаришларга эришилмаса, уларга нисбатан эгаллаб турган лавозимидан озод қилишгача бўлган чоралар кўрилсин.
5. Ўзбекистон фермер, деҳқон хўжаликлари ва томорқа ер эгалари кенгаши (Хаитов), ҳудудий ва туман фермерлари Кенгашларини малакали кадрлар билан бутлаш, ижро интизомини назорат қилиш тизими, фермер хўжаликларини Кенгашлар фаолиятига тўлиқ жалб этиш, улар ўртасида ўзаро ҳамкорлик шартномларини тузиш ва Кенгашларнинг молиявий ҳолатини яхшилаш ишлари қониқарсиз эканлиги кўрсатиб ўтилсин.
6. Ўзбекистон Республикаси Президентининг 2017 йил 10 октябрдаги “Фермер, деҳқон хўжаликлари ва томорқа ер эгалари фаолиятини янада ривожлантириш бўйича ташкилий чора-тадбирлар тўғрисида” ги ПҚ–3318-сон қарорига асосан 2018 йил учун қабул қилинган Ўзбекистон Республикаси Олий Мажлисининг Сенати томонидан тасдиқланган кўп тармоқли фермер хўжаликларини ташкил этиш ва ривожлантириш Дастурини ижросини таъминлаш, вилоят ва туманлар фермер, деҳқон хўжаликлари ва томомрқа ер эгалари Кенгашлари фаолиятини ҳамда кўп тармоқли фермер хўжаликларини ташкил этиш бўйича Ўзбекистон фермер, деҳқон хўжаликлари ва томорқа ер эгалари кенгаши, Наманган вилояти, Учқўрғон ва Чортоқ туманлари ҳокимликлари ва масалага масъул бўлган ташкилотлар томонидан йўл қўйилган хато, камчиликлар ва муаммоларни бартараф этиш чора-тадбирлари иловага мувофиқ тасдиқлансин.
7. Мазкур чора-тадбирларни ижросини таъминлаш ва назорат қилиш бўйича вилоят ҳокимлиги, туманлар ҳокимлари ҳамда масалага масъул бўлган тегишли вазирлик ва идоралар раҳбарларининг асосий вазифалари қуйидагилар этиб белгилансин:
Наманган вилояти ҳокимилиги (Бозоров) икки кун муддатда мазкур мажлис баёни ва тасдиқланган чора-тадбирларда белгиланган вазифаларни бажарилишини таъминлаш ҳамда назорат қилиш бўйича тегишли қарорини қабул қилсин;