Хусусий мулкдорларнинг кенг

Сурхондарё вилоят иқтисодий суди
АКТ ходими Рахматов Санжар Саидқул ўғли


ХУСУСИЙ МУЛКДОРЛАРНИНГ КЕНГ
ҚАТЛАМИНИ ЯРАТИШ ДАВЛАТИТМИЗНИНГ
ИҚТИСОДИЙ ВА ИШТИМОИЙ ТАЯНЧИДИР
Ишбилармонлик халқимизга хос бўлган азалий қадриятлардан биридир. Тариҳдан маълумки, бу одат қадимдан аждодларимизнинг ўз ҳаётини қуриши, мустақил рўзғор юритиши, ташаббускорлик билан меҳнат қилиб, оиласини, элу юртининг равнақини таъминлаш омили бўлиб келган. Қолаверса, ишбилармонлик халқимизнинг қонқонига сингиб кетган эзгу фазилатдир.
Мустақиллик йилларида мамлакатимизда ишбилармонлик, хусусий мулк ва тадбиркорлик субъектларининг ҳуқуқларини ҳимоя қйлишга доир қонун ҳужжатларини такомиллаштиришга алоҳида эътибор қаратилмоқда.
Хусусан, ҳозирги кунга қадар тадбиркорликка оид 40 дан ортиқ қонун, Президентимизнинг 20 дан ортиқ фармон ва қарорлари, Вазирлар Маҳкамасининг 400 дан ортиқ қарорлари ва қарийб 600 га яқин бошқа қонуности ҳужжатлари қабул қилинган.
Давлатимиз раҳбарининг 2010 йил 12 ноябрдаги Ўзбекистон Республикаси Олий Мажлиси Қонунчилик палатаси ва Сенатининг қўшма мажлисидаги “Мамлакатимизда демократик ислоҳотларни янада чуқурлаштириш ва фуқаролик жамиятини ривожлантириш концепцияси” номли маърузасидаги йўналишлар юртимизда тадбиркорлик соҳасининг янада ривож топишига кенг йўл очиб берди.
Таъкидлаш жоизки, “Оилавий тадбиркорлик тўғрисида”ги Қонуннинг қабул қилиниши мамлакатимиз ижтимоий-сиёсий ҳаётида муҳим воқеа, иқтисодий-ҳуқуқий жиҳатдан эса жиддий янгилик бўлди. Чунки, мамлакат қонунчилиги тарихида бугунги кунга қадар бизнеснинг оилавий корхона тарзидаги бутунлай янги ташкилий ҳуқуқий шакли кузатилмаган ёки бошқача қилиб айтганда, қонун даражасида мустаҳкамланмаган эди.
“Тадбиркорлик фаолияти соҳасидаги рухсат бериш тартиб-таомиллари тўғрисида”ги Қонунга мувофиқ, рақобатни чеклайдиган рухсат бериш тартиб-таомиллари белгиланишига йўл қўйилмаслиги рухсат бериш тартиб-таомилларининг асосий принципларидан бири сифатида мустаҳкамланди. Шу билан бирга, мазкур Қонунда ҳам рухсат бериш тартиб-таомилларининг ошкоралиги, очиқлиги ва тушунарлилиги, рухсат этиш хусусиятига эга ҳужжатларни бериш тартибига доир талабларнинг ягоналиги ва уларнинг “бир дарча” орқали берилиши кўзда тутилган.
Мамлакатимизда демократик ислоҳотларни янада чуқурлаштириш ва фуқаролик жамиятини ривожлантириш концеицияси асосида қабул қилинган “Тадбиркорлик фаолияти эркинлигининг кафолатлари тўғрисида”ги (янги таҳрири) ва “Хусусий мулкни ҳимоя қилиш ва мулкдорлар ҳуқуқларининг кафолатлари тўғрисида”ги қонунлар эса бу борадаги ислоҳотларнинг янги босқичини бошлаб берди.
Бундан буён мулк эгаси билан давлат органлари муносабатларида пайдо бўладиган қонунчиликдаги барча зидият ва тушунмовчиликлар мулкдор фойдасига ҳал этилади.
Сурхондарё вилоят хўжалик
суди раисининг ўринбосари Шукрулло Ғозиев
Хаджамкулович