I bob. Buxoro xonligining XVIII asrda savdo-sotiq va pul munosabatlari

Mavzuning dolzarbligi.O’rta Osiyo davlatlari uzoq davrlar mobaynida Xitoy, Hindiston, Eron, Afg’oniston va Sharqdagi boshqa mamlakatlar hamda Rossiya davlati bilan iqtisodiy, siyosiy va madaniy aloqalarda bo’lib keldilar. Ayniqsa, O’zbekistonning qo’shni davlatlar bilan hozirgi kundagi yaqin do’stona aloqalarining ildizlari ana o’sha uzoq tarixiy davrga borib taqaladi.
Ma’lumki, XVI asrdan boshlab Osiyo hududida ikkita xonlik - Buxoro va Xiva xonliklari, XVIII asr boshlaridan esa uchinchi Qo’qon xonligi vujudga kelgan. Mazkur ishda XIX asrda Buxoro va Xiva xonliklarining Xitoy, Hindiston, Eron, Afg’oniston va Rossiya bilan iqtisodiy savdo aloqalari hamda diploshmatik masalalari o’rin olgan. Ushbu malakaviy bitiruv ishini yozishda mahalliy manbalardan va rus sayyohlari, diplomatlari va elchilarining bergan ma’lumotlaridan, nashr qilingan rus va o’zbek tilidagi kitoblardan keng foydalanildi.
O’rganilganlik darajasi. Kurs ishiga xorijiy va mahalliy tarixchilar asarlari asos qilib olingan. XIX asrning 20 yillarida Buxoroga kelgan rossiyalik A.F.Negri boshchiligidagi ekspedisiya va uning tarkibida bo’lgan tabiatshunos olim Ye.K.Meyendorf³ning asarlari ayniqsa “Orenburgdan Buxoroga sayyohat” nomli 1826 yilda chop etilgan asarI nihoyatda qimmatlidir.Bundan tashqari Jenkinson A.,⁴ Sokolov Yu. A.,⁵ Jukovskiy S.V.,⁶ Georgi I.G.,⁷ Yefremov F.,⁸ Byorns A.,⁹ Xanikov N.V.,¹⁰ Залесов Н. Va boshqa sayyoh va tarixchilar asarlaridan foydanilgan.
Mahalliy tarixchilardan esa Valiyeva D.,¹¹ Mannonov B.,¹² Radjabov Q.,¹³ Rahmonqulova Z.,¹⁴ Muqimov Z.,¹⁵ va boshqa tarixchilar ushbu sohada ilmiy izlanishlar olib borishgan.
Mavzuning davriy chegarasi. Kurs ishi XVIII asrdan XX asrning bosharigacha bo’lgan davrni o’z ichiga oladi.