Iqtisodiyot / Transport. Yo‘l xo‘jaligi. Harakat va parvozlar xavfsizligi]

VII bob. HAVO TRANSPORTI QATNOVI
Oldingi tahrirga qarang.
54-modda. Samoviy hudud tasnifi
“O‘zbekiston Respublikasining samoviy hududi xalqaro standartlar talablariga muvofiq va O‘zbekiston Respublikasining samoviy hududidan foydalanish to‘g‘risidagi nizomda belgilangan tartibda tasniflanadi.
LexUZ sharhi
Qarang: Vazirlar Mahkamasining 1997-yil 12-dekabrdagi 549-sonli qarori bilan tasdiqlangan “O‘zbekiston Respublikasi samoviy hududidan foydalanish to‘g‘risidagi nizom”ning 16-bandi.
O‘zbekiston Respublikasining samoviy hududi nazorat qilinadigan va nazorat qilinmaydigan samoviy hududga bo‘linadi. Bunda nazorat qilinadigan samoviy hudud deganda parvozlarga dispetcherlik xizmati ko‘rsatish ta’minlanadigan doiradagi samoviy hudud tushuniladi. Nazorat qilinmaydigan samoviy hudud deganda parvozlar paytida axborot xizmati ko‘rsatiladigan doiradagi samoviy hudud tushuniladi.
(54-moddaning matni O‘zbekiston Respublikasining 2012-yil 27-sentabrdagi O‘RQ-337-sonli Qonuni tahririda — O‘R QHT, 2012-y., 39-son, 447-modda)
Oldingi tahrirga qarang.
55-modda. Havo transporti qatnoviga xizmat ko‘rsatish
O‘zbekiston Respublikasi samoviy hududida havo transporti qatnoviga xizmat ko‘rsatish xalqaro standartlarga hamda O‘zbekiston Respublikasi samoviy hududidan foydalanish to‘g‘risidagi nizomga muvofiq tashkil etiladi va xizmat ko‘rsatish amalga oshirilayotgan samoviy hudud tasnifiga bog‘liq bo‘ladi.
LexUZ sharhi
Qarang: O‘zbekiston Respublikasi Vazirlar Mahkamasining 1997-yil 12-dekabrdagi 549-sonli qarori bilan tasdiqlangan O‘zbekiston Respublikasi samoviy hududidan foydalanish to‘g‘risidagi nizom.
(55-modda O‘zbekiston Respublikasining 1997-yil 26-dekabrdagi 549-I-son Qonuni tahririda — Oliy Majlis Axborotnomasi, 1998-y., 3-son, 38-modda)
56-modda. Havo transporti qatnovi oqimlarini tashkil etish
Samoviy hududdan samarali va oqilona foydalanish maqsadida havo transporti qatnovi oqimlari O‘zbekiston Respublikasining xalqaro shartnomalariga moslashtirib tashkil etiladi.
LexUZ sharhi
Qo‘shimcha ma’lumot uchun qarang: Xalqaro havo transportida tashishlarga doir ayrim qoidalarni birxillashtirish haqida (Gamburg qoidalari) 1929-yildagi Varshava Konvensiyasi (O‘zbekiston Respublikasi Oliy Majlisining 1995-yil 6-maydagi 80-I-sonli qarori).