"iqtisodiyotni modernizatsiyalash sharoitida aholini ijtimoiy muhofaza qilishning moliyaviy manbalari"

3-bob bo‘yicha xulosa 
 
O‘zbekiston Respublikasi uchun ijtimoiy himoya masalalariga mamlakat-
ning demografik xususiyatlarini hisobga olgan holda keyingi yillar davomida ham 
alohida ahamiyat berish kerak bo‘ladi. Shu bilan birga, ijtimoiy himoyaning moli-
yaviy manbalarini mustahkamlash, moliyaviy yordamning jamiyat a’zolari o‘rta-
sida odilona taqsimlash mexanizmlarini takomillashtirish, ijtimoiy himoyaning 
manzilli bo‘lishiga erishish, pirovardida to‘laqonli ishlash va yashash sharoitlarini 
yaratish asosida inson farovonligini oshirish masalalari jamiyat oldida turgan 
dolzarb masalalardan biridir. 
O‘zbekistonda aholini ijtimoiy himoya qilishning mavjud barqaror mexa-
nizmi jamiyatning himoyaga muhtoj qatlamlari, ayniqsa, kam ta’minlangan oilalar, 
yolg‘iz keksa-qariyalar, nogironlar, vaqtincha ishsizlar va shunga o‘xshash yor-
damga ehtiyojmand aholi vakillariga ijtimoiy yordam ko‘rsatish bilan izohlanadi. 
33
http://press-service.uz/uz/lists/view/794 

---

60
Ko‘rinib turibdiki, mamlakatdagi ijtimoiy islohotlar asosini tashkil qiluvchi 
aholining muayyan qatlamlarini ijtimoiy himoya qilishning samarali tizimiga 
o‘tilishi iqtisodiy taraqqiyotning strategik maqsadlariga mos keladi. 
Mamlakatimizda aholi turmush farovonligini oshirish – bu kompleks tarzda 
amalga oshiriladigan tadbirlar tizimi bo‘lib, u turmush darajasini belgilovchi 
ko‘rsatkichlarni ishlab chiqish, kam ta’minlanganlik muammosini sivilizatsiya-
lashgan holda bartaraf etish choralarini ko‘rish, yangi ish o‘rinlarini yaratish, 
kichik biznes va xususiy tadbirkorlikni rivojlantirish, oilaviy biznesni qo‘llab-quv-
vatlash, kasb-hunar kollejlari bitiruvchilarini ishga joylash va ish o‘rinlari bilan ta’-
minlash, kasanachilik va yakka tartibdagi tadbirkorlikni qo‘llab-quvvatlash, 
tadbirkorlarga o‘z biznesini yo‘lga qo‘yish uchun imtiyozli kreditlar berish kabilar 
orqali aholi bandligini oshirish, haqiqatda ijtimoiy qo‘llab-quvvatlashga muhtoj 
aholi qatlamlarini aniqlash mexanizmlarini takomillashtirib borish va ularni man-
zilli tarzda ijtimoiy himoyalash, ijtimoiy himoyaning huquqiy asoslarini va moliya-
viy manbalarini mustahkamlash, turmush darajasini oshirish masalalariga nodavlat 
notijorat tashkilotlarini tobora ko‘proq jalb qilish kabilarni o‘z ichiga oladi. 
Mehnatga layoqatli aholi ko‘p bo‘lgan hududlarda sanoat korxonalarini 
rivojlantirish va yangi ish o‘rinlari tashkil etishni qo‘llab-quvvatlashga 
ixtisoslashgan maxsus mintaqaviy jamg‘armalarni tuzishni rag‘batlantirish, zarar 
ko‘rib ishlayotgan korxonalarni tijorat banklarining investitsiyalari hisobiga 
modernizatsiya qilish va texnologik jihatdan yangilash hamda barqaror ish 
o‘rinlariga ega bo‘lgan yangi korxonalar tashkil etish va keyinchalik ularni asosan 
mazkur korxonalar xodimlariga sotish amaliyotini yanada rivojlantirish, kasb-
hunar kollejlari bitiruvchilarining o‘zlari mustaqil ravishda ish o‘rniga ega 
bo‘lishlarini ta’minlash, yakka tartibdagi mehnat va tadbirkorlik faoliyatini 
boshlashi uchun ularga imtiyozli mikrokreditlar berish, ular tashkil etayotgan 
tadbirkorlik subyektlarini ro‘yxatdan o‘tkazishda mavjud to‘lovlardan ozod etish 
yo‘li bilan ularning bandligini ta’minlash zarurligi ham ushbu bob yuzasidan 
shakllangan xulosalarimizning asosiy mazmunini tashkil qiladi. 

---

61