Islom Karimov nomidagi Toshkent Davlat Texnika Universiteti “Muhandislik texnologiyalari” fakulteti “Sanoat iqtisodiyoti va menejmenti” kafedrasi “5231900–Korporativ

Islom Karimov nomidagi Toshkent Davlat Texnika Universiteti “Muhandislik texnologiyalari” fakulteti “Sanoat iqtisodiyoti va menejmenti” kafedrasi “5231900–Korporativ boshqaruv” yo’nalishi talabasi Norimboyev Azizjon Alisher o’g’lining “Sanoat korxonalari faoliyatini rivojlantirishning investitsion ta’minoti” mavzusidagi
bitiruv malakaviy ishiga
RAXBAR XULOSASI


Iqtisodiyotni modernizatsiyalash sharoitida investitsiya faoliyati muhim ahamiyat kasb etadi. Har bir mamlakatning rivojlanish darajasi, ya’ni iqtisodiyotning rivojlanishi va iqtisodiy o’sishi ko’p jihatdan mamlakatdagi investitsion jarayonlarga bog’liq. Har qanday jamiyatning baraqaror iqtisodiy jivojlanishini investitsiyalarsiz tasavvur etib bo’lmaydi. Ayniqsa, bugungi kunda bu narsa yaqqol namoyon bo’lmoqdaki, har qanday mamlakatning bundan keying yuksalishi investitsiyalarni jalb etish holatiga bog’liq. Hozirgi kunda O’zbekiston iqtisodiyotining barcha sohalarida o’zgarishlar, tarkibiy islohatlar olib borilmoqda. Bunday islohotlarning olib borilishi bevosita mamlakatdagi investitsion jarayon, davlatning investitsion siyosati, uning ustuvor yo’nalishlari va mamlakatdagi korxonalar investitsion faolligiga bog’liq. Mustaqilligimizning qisqa davrida investitsion faollikni oshirish, uni kuchaytirish borasida qator amaliy chora-tadbirlar o’tkazildi, investitsion faoliyatni tartibga solib turuvchi qator qonun va qonun osti hujjatlari chiqarildi va hayotga tadbiq qilinmoqda. Bu yo’lda investitsiya siyosatining ahamiyati juda katta. Chunki investitsiyalar iqtisodiyotda tarkibiy o’zgarishlar, texnik va texnologik yangilanishlar, korxonalarni qayta ta’mirlash ishlarini amalga oshirishni rag’batlantiradi, mamlakat eksport va import salohiyatini oshirishga imkon yaratadi. Shu jihatdan O’zbekiston davlati o’z investitsiya siyosatini olib bormoqda.
Yangi O‘zbekistonning 2022–2026 yillarga mo’ljallangan taraqqiyoti to’g’risida”gi Farmoni va uni 2022 yilda amalga oshirish bo‘yicha “Yo’l xaritasi” loyihasiga ko’ra loyihada ko‘p sohalar bo‘yicha yangi tartib-qoidalar, xususan aholi va tadbirkorlar uchun yangiliklar, mahalliy davlat hokimiyati organlari faoliyatidagi o’zgarishlar, davlat boshqaruvi organlari faoliyatini transformatsiya qilish borasidagi yangi islohotlar o‘z aksini topmoqda.
Davlat investitsiya siyosati hududlar, tarmoq va korxona investitsiya siyosatidan tarkib topib, ular o’zaro bog’liqdir. Hududlar investitsiya siyosati investitsiyani sariflashda aholi, hudud va investor manfa’tlarini hisobga olgan holda samarali ishlatishga imkon beruvchi hududda olib boriladiga chora-tadbirlar majmuyi. Tarmoq investitsiya siyosati esa bu mamlakat iqtisodiyotining rivojlanishini ta’minlovchi tarmoqlar, sanoat mahsulotlarini eskport qilish, import o’rnini bosuvchi ishlab chiqarishni yo’lga qo’yish, ilmiy-texnika taraqqiyotini investitsiya yo’li bilan qo’llabquvvatlash hisoblanadi. O’zbekiston iqtisodiyotiga investitsiyalar kiritish, avvalo, ichki manbalarni safarbar etish hisobidan iqtisodiyotimizning muhim tarmoqlarini jadal modernizatsiya qilish, texnik va texnologik qayta jihozlash, transport va aloqa sohasini yanada rivojlantirish hamda ijtimoiy infratuzilma ob’yektlarini barpo etish hal qiluvchi ustuvor yo’nalishlarga aylandi.
Norimboyev Azizjon tomonidan tanlangan mavzuning dolzarbligini ko’rsatib beradi. Bitiruv malakaviy ish tarkiban uch bob, beshta paragraf, xulosa va takliflar, foydalanilgan adabiyotlar ro’yxati, hamda ilovalardan tashkil topgan. Birinchi bobi “Investitsiya faoliyatini nazariy-huquqiy asoslari” deb nomlangan bo’lib, iqtisodiyotni modernizatsiyalashda investitsiya siyosati va muhiti, sanoat korxonalari investitsiya faoliyatining o’ziga xos xususiyatlari, sanoat korxonalarida investitsion faoliyatni boshqarish va tartibga solishning huquqiy asoslari o’z aksini topgan. Ikkinchi bob “Iqtisodiyotni modernizatsiyalashda sanoat korxonalarida investitsiya faoliyatini moliyalashtirish” deb nomlangan bo’lib, sanoat tarmog’ining iqtisodiy mohiyati va uning O’zbekiston iqtisodiyotida tutgan o’rni, iqtisodiyotni modernizatsiyalashda sanoat korxonalarida investitsion faoliyatini moliyalashtirish, chet el investitsiyalari ishtirokidagi korxonalar faoliyati yoritib berilgan. Uchinchi bob “O’rta Chirchiq GESlar KASKADI” deb nomlangan bo’lib, “O’rta Chirchiq GESlar KASKADI” unitar korxonasi, “O’rta Chirchiq GESlar KASKADI” unitar korxonasining moliyaviy ko’rsatkichlari tahlil qilingan.
Yuqoridagilarni hisobga olgan holda mazkur ish qo‘yilgan talablarga to‘liq javob beradi va uni himoyaga tavsiya etish mumkin.


TDTU “Sanoat iqtisodiyoti
va menejmenti” kafedrasi
dots.v.v.b. i.f.f.d. K.A.Muhitdinova