Javoblar: Dars jarayonida tarqatma materiallardan foydalanish haqida nima deya olasiz?

2. Tarqatma materiallar tayyorlaganda qanday qoidalarga rioya qilish kerak?
Tarqatma materiallarni tayyorlash va qo‘llash qoidalari quyidagilardan iboratdir:

• 
  Ta’lim oluvchilarga haddan tashqari ko‘p tarqatma materiallar bermaslik maqsadga muvofiqdir.
  
• 
  Sarlavhalami bosh harflar bilan yozish kerak, bir matn uchun ikki-uchta tarqatma material tayyorlansa, ularga nom-kod berilishi zarur. Bu ularni ajratish jarayonini osonlashtiradi.
  
• 
  Matn shrifti 12 dan kichik bo‘lmasligi kerak.
  
• 
  Bir betda 80 tadan ko‘p belgi (harf, qavs, undov belgisi va hokazo ) ishlatmaslik maqsadga muvofiq.
  
• 
  Matnlar tushunarli, qisqa va oddiy bo‘lishi kerak.
  
• 
  Varaq dizayni e’tiborni o‘ziga tortishi kerak.
  

Tarqatma materiallarda:

• 
  o‘tiladigan mavzuning asosiy mazmunini berish;
  
• 
  olingan axborotni dars davomida va darsdan tashqarida talabalar bilan mustaqil muhokama qilish;
  
• 
  ta’lim oluvchilar diqqatini mustaqil fikrlash, ijodiy izlanishga qaratish;
  
• 
  o‘quvchi-talabalami darsga faol jalb qilish;
  
• 
  o'quvchi-talabalarning olgan bilimlarini nazorat qilish va sinash kabilarga e’tiborni qaratish zarur.
  

Bularning hammasi dars jarayonida tarqatma materiallardan keng foydalanishning zaruriyatini keltirib chiqaradi.
Shu bilan birga dars jarayonida tarqatma materiallardan foydalanishda o'ziga xos kamchiliklar ham mavjud.
Tarqatma materiallar tayyorlash o‘qituvchidan ko‘p kuch va vaqt, yuksak mahorat talab qiladi.
Bir kishiga bitta tarqatma materiallar bo‘lishi kerak. Bundan ko’p bo’lsa ham qo‘shimcha katta moddiy xarajatni talab qilishi mumkin.
Tarqatma material asosida o‘zaro muhokama cho‘zilib, mavzuning boshqa qismlariga, savollariga e’tibor pasayishiga olib kelishi mumkin.
Ayrim kamchiliklariga qaramay, darsda tarqatma materiallardan foydalanishning afzalligi ustunroq hisoblanadi.
Ko‘rgazmali qurol yoki namoyish qilinuvchi material va tarqatma materiallardan barcha metodlar asosida dars o‘tishda keng foydalanish mumkin.