Жиззах вилоят мактабгача таълим бошқармаси ғаллаорол туман мактабгача таълим бўлими тасарруфидаги 1-сон мактабгача таълим ташкилоти

3.Нутқ,мулоқот,ўқиш ва ёзиш малакалари:Умумлаштирувчи сўзларни тўғри қўллайди,ўзига нисбатан предметлар жойлашувини таърифлайди.
4.Билиш жараёнининг ривожланиши:Расм асосида сюжетни эслаб қолади ва гапиради.Геометрик шаклларни билади ва уларни предметлар орасидан ажратади,предметларни узунлиги,эни,қалинлиги ва баландлигигша кўра таққослайди.Предметлар гурухини таққослайди,мулоқот даврида математик атамаларни қўллайди,мустақил қуриб ясаши мумкин.
5.Ижодий ривожланиш:Хотира ва тасаввурига кўра сюжет яратади,жамоавий лойихаларда ғоялар таклиф этади.
Кутилаётган натижалар:Геометрик шакллардан кўпбурчаклар ясашни билади, геометрик шаклларни шаклига кўра фарқлаш кўникмасига эга бўлади.
Машғулот жихози: Геометрик шакллар тўғрисида эртак,сехрли қути,геометрик шакллар, шакллар доскаси,саноқ чўплари.
Машғулотнинг интеграллашуви: Математика,Атроф олам,қуриш ясаш,бадий адабиёт.
Фойдаланиладиган метод ва усуллар: Кўргазмали,сухбат,савол жавоб , ўйин, ақлий хужум,кичик гуруҳда ишлаш.
Машғулотнинг бориши:
Умумий гуруҳ бўлиб ишлаш.
Тарбиячи болаларни доира шаклида ўтиришга таклиф этади.Болаларга геометрик шакллар тўғрисида эртак айтиб беради.
“Қувноқ геометрик шакллар”
Бир бор экан бир йўқ экан қадим замонда эмас,яқин ўтган замонда бир-биридан қувноқ геометрик шакллар бўлган экан.
(Геометрик шакллар расми қўйилади)
(Даврага геометрик шакллар кириб келади)
Шу пайт улар бирин –кетин ўзларини мақтаб таъриф бера бошлашибди:
Учбурчак:-Мен чиройли ,келишган учбурчак бўламан.Менинг учта бурчагим бор.Менинг шаклим уйларнинг томларига ўхшайди,ўша қурувчилар уйнинг томларини аслида мендан кўриб андаза олишган.
Тўртбурчак:-Вой бунинг мақтанишини қаранг,аслида менку хаммадан чиройли кўркам шакл.Нега дейсизми,ахир менинг тўртта бурчагим борку.Менинг шаклим уйнинг томига эмас,уйнинг тўтрала деворига ўхшайди.Қани айтингчи мен бўлмасам уйнинг томини қаерга ўрнатишади?
Тўғритўртбурчак:-Бўлди бунча керилмасанг,тўртта томони ,тўртта бурчаги бормиш.Ундай бўлса менда хам бор ўша тўртта бурчак.Гап бурчакларнинг тўртталигида эмас,томонлрнинг узунлигида.Мана менинг менинг иккита томоним қолган иккита томонимдан узунроқ.Кўрдинггизми,демак хаммадан кўрками менман шубхасиз.
Доира:-Тўхтанг! Мен турганда сизларга ким қўйибди гапиришни.Ахир бурчаклар хам кўрк бўлармишми.Мана менгга бир эътибор беринг,хеч қандай бурчагим йўқ, лекин биноидек шаклман.Мен силлиққина,хеч қандай бурчаксиз ажойиб шаклман.Демак энг кўркам шакл менманда.
Шунда шакллардан бири шундай дебди: Хой бунча шовқин қилмасангиз,ахир бу ерда биздан ташқари болажонлар хам бор эканку.Келинглар, биз ўзимизни мақтайвермасдан, уларнинг билимини синаб кўрайлик.