Kashtachilik naqsh elementlaridan foydalanib ayollar zamonaviy libos loyhasini yaratish

1963-yilda teatrga “musiqali drama va komediya teatri” maqomi berildi.
Shu davrdan boshlab musiqali sahna asarlari teatr repertuarida asosiy o’rinni egallaydi. Rejissor Karim Yo’ldoshev sahnalashtirilgan Sobir Abdullaning “Alpomish” (1965), Sohib Jamolning “Gulsiyoh” (1966), Sobir Abdullaning “Tohir va Zuhra” (1966), G’ulom Zafariy va Turob To’laning “Halima” (1971), Xurshidning “Layli va Majnun” (1973) kabi asarlari shular jumlasidandir.
Shuningdek, Shekspirning “Hamlet”, Aziz Tursunning “Mashrab”, Aron Shalamaevning “Ibn Sino”, Habib Sadullaning “Yusuf va Zulayho”, Ozod Abdullinning “O’n uchinchi rais”, Anri Kolomeysning “Qahri qattiq farishta”, Abdug’ani Abduvalievning “Vasvasa”, Moldovan dramaturgi Ion Drusening “Kasa Mare” asarlari sahnalashtirildi.
Teatrda mustaqillik yillarida yangi ijodiy jarayon boshlandi. Shu davrda ijtimoiy-maishiy mavzularda “Adolat kuni” (J.Mahmudov), “Yor istab” (H.Sharipov), “Mehr quyoshi” (H.Sa’dulla), tarixiy mavzularda “Usmon Nosir qayerda?” (1997) (A.A’zam), “Namangan allasi” (1999) (A.Jabbor), “Alpomishning o’q yoyi” (2000) (A.Jabbor), “Ikkinchi tumor” (2003) (E.Vohidov) kabi qator spektakllar sahnalashtirildi.Shuningdek, “Tobutdan tovush”, (2000) (A.Qahhor) “Super qaynona” (2000) (S.Imomov), “Chimildiq” (2002) (E.Xushvaqtov), “Iffatini asragan ayol” (2003) (R.Ma’diyev), “Ayajonlarim” (2004) (A.Qahhor), “Bexato otilgan o’q” (2005) (Taufiq-al Hakim), “Oqilona” (2005) (E.Umarov), “Yolg’onlar chuv tushgan kun” (2006) (F.Karengi) singari turli yo’nalishdagi bir qator spektakllar sahna yuzini ko’rdi. Mustaqillik yillarida teatrda mahalliy dramaturglarning asarlarini sahnaga olib chiqishga e’tibor kuchaydi. Habib Sadulla, Nuriddin Boboxo’jayev, Abdug’ani Abduvaliyev, Abdulla Jabbor, Nurillo Abbosxon singari ijodkorlarning asarlari tomoshabinlar tomonidan iliq kutib olindi. Ayniqsa, N.Abbosxonning teatr jamoasi imkoniyatlarini chuqur o’rganib, maxsus yozib bergan “Bog’” komediyasi katta muvaffaqiyat qozondi. Mazkur spektaklni Toshkent san’at oliygohini yangi tugatib kelgan yosh rejissor Shuhrat Abdullayev sahnalashtirishdi. Asar mamlakat teatrlarda faoliyat ko’rsatayotgan yosh rejissorlarning “Debyut-2005” festivalida, Turkmaniston Respublikasining Ashxobod shahrida bo’lib o’tgan “Milliy folklor va teatr san’ati” xalqaro festivalida ishtirok etib, teatr mutaxassislarining yuqori bahosini oldi. Festivalda “Eng yaxshi ayol obrazi uchun” nominatsiyasi bo’yicha bosh sovrinni qo’lga kiritgan, mamlakatimiz poytaxtida o’tkazilgan Navro’z bayramining bosh tantanasida o’zining Namanganimizga xos xalq termalari bilan bachaning olqishiga sazovor bo’lgan teatrining vokal artisti, teatr kasaba uyushma qo’mitasi raisi Mehrijon Abdullayeva, yana bir iqtidorli aktrisa va hushovoz xonanda Azizaxon Karimova muhtaram Prezidentimizning keyingi yillardagi farmonlariga asosan “O’zbekiston Respublikasida xizmat ko’rsatgan artist” fahriy unvoni bilan taqdirlandilar.
O’tgan darv ichida Namangan teatrida juda ko’p taniqli san’atkorlar jamoasi o’sib ulg’aydi. Ular orasida marhum O’zbekiston Respublikasi xalq artistlari Mukarrama Azizova, Muhriddin Mansurov, Sobir Rahmoniy, Mamatxon Ubaydullayev, Habiba Oxunova, O’rinboy Nuraliyev, O’zbekistonda xizmat ko’rsatgan artistlar Mirzajon Dadaboyev, Abdurahmon Toshboyev, Onaxon Tojiboyeva, Sobirjon Sohibov, Rustam Hamroqulov, Valijon Saydaliyev, Turdiali Saydullayev, O’zbekistonda xizmat ko’rsatgan san’at arboblari Usta Ro’zimatxon Isaboyev, Mutallib Abbosovlarning teatr ijodiy faoliyatida xizmatlari katta bo’lgan.